09:06 15 հոկտեմբերի 2019
Ուղիղ եթեր
  • USD476.44
  • GBP598.27
  • EUR525.85
  • RUB7.42
Արմեն Սարգսյան

Սարգսյան. «Ես դեմ եմ, որ օպերայի տարածքն ամբողջությամբ կանաչապատվի»

© Sputnik /
ՌԱԴԻՈ
Ստանալ կարճ հղումը
Բողոքի ակցիա Երևանում. ինչո՞ւ են քանդում օպերային հարակից սրճարանները (32)
225 0 0

Ես դեմ եմ, որ օպերայի տարածքն ամբողջությամբ կանաչապատվի, քանի որ կան մարդիկ, որոնք ցանկանում են, որ այդ տարածքում սրճարաններ լինեն։ Այս կարծիքը Sputnik Արմենիայի հետ զրույցում հայտնել է Երևանի ավագանու «Իմ քայլը» խմբակցության անդամ Արմեն Սարգսյանը։

Մյուս կողմից, նրա խոսքով, վերջին տարիներին օպերայի շրջակայքն ամբողջությամբ «սրճարանակոխ» են արել։

«Թող գնան քաղաքի այլ հատվածներում սրճարաններ բացեն, շատ տեղեր կան»,-հուշում է Արմեն Սարգսյանը, հավելելով, որ իրենք չէ, որ պետք է մարդկանց առաջարկեն, թե որտեղ իրականացնեն իրենց բիզնեսը։

Ավագանու անդամի խոսքով` կանաչապատում անելը չի նշանակում քանդել։

«Քաղաքային իշխանությունների դիրքորոշումը հստակ է, այդ սրճարանները պետք է ապամոնտաժվեն»,-վստահեցնում է «Իմ քայլը» խմբակցության անդամ Արմեն Սարգսյանը։

Ինչ վերաբերում է բողոքի ակցիաներին, ապա ըստ Սարգսյանի, իշխանություններն այսօր լեգիտիմ են և սրճարանատերերը կարող են իրենց հարցերը լուծել իրավական ճանապարհով։

Հիշեցնենք` այսօր տասնյակ մարդիկ հավաքվել էին Ազատության հրապարակում՝ պահանջելով դադարեցնել ապամոնտաժումը։ Նրանք հայտարարում էին, որ գումար են ներդրել, բարեկարգել և կառուցապատել տարածքը, իսկ ապամոնտաժումը նրանց ֆինանսական վնասներ կհասցնի։ Բացի այդ, մեծ մասը գործազուրկ կդառնա։

Քաղաքապետարանը վստահեցնում է, որ ապամոնտաժման գործընթացն իրականացվում է օրինականության և նախկին վարձակալների հետ պայմանագրերի տառին համապատասխան։ Երևանի քաղաքապետարանը դեռ 2018-ի դեկտեմբերի 13-ին ծանուցումներ է ուղարկել Օպերայի հարակից տարածքում վարձակալության իրավունքով գործունեություն ծավալող 5 տնտեսվարողի, որ համաձայն պայմանագրի` երեսնօրյա ժամկետում դադարելու է վարձակալության պայմանագրի գործողությունը։

Կադաստրի պետական կոմիտեն 30-օրյա ժամկետը լրանալուց հետո քաղաքապետարանի հարցման հիման վրա դադարեցրել է վարձակալության իրավունքը։ Այնուհետև քաղաքապետարանը փետրվարի 13-ին ծանուցումներ է ուղարկել արդեն նախկին վարձակալներին՝ առաջարկելով ողջամիտ ժամկետում մաքրել տարածքն իրենց գույքից, այդ թվում՝ ինքնակամ կառույցներից։ Սակայն նախկին վարձակալները չեն մաքրել տարածքը, և քաղաքապետարանի համապատասխան ստորաբաժանումներն են սկսել ապամոնտաժել կառույցները՝ կանաչապատման աշխատանքները սկսելու համար։

 

թեմա:
Բողոքի ակցիա Երևանում. ինչո՞ւ են քանդում օպերային հարակից սրճարանները (32)
թեգերը:
Հայկ Մարության

Գլխավոր թեմաներ