«Վերին աստիճանի քաղաքական հարց է. այն տեղեկատվական էֆեկտը, որ մենք տեսնում ենք քաղաքական է, քանի որ մեկնաբանվում է որոշակի մարդկանց և լրատվամիջոցների կողմից, որոշակի տեղեկատվական ուղեգծի շրջանակում։ Խնդիրը նրանում է, որ նոր իշխանությունները հայրենասեր չեն, հակաբանակային են, հակազինվորական են. այսպիսի տրամադրություն կա, և այս համատեքստում է հարցը մեկնաբանվում»,- ասաց Հարությունովը:
Ըստ ռազմական փորձագետի` այս պատմության մեջ հակառակորդ կողմը նախկին իշխանության տեսքով է և սա տեղեկատվական պատերազմի մի մաս է:
«Չի խոսվում գույքի լուծարման մասին , այլ տեղափոխման: Այդ տարածքը վարժարանի հետ կապ չի ունեցել ի սկզբանե: Սակայն օբյեկտիվ տեղեկություն կամ վերլուծություն չկա այս մասին. կա ընդամենը երկու կողմ, որոնք իրար հակասում են»,-նշեց Հարությունովը:
Ինչ վերաբերում է Մելքոնյանի վարժարանի տարածքի ճոխության հարցին, ռազմական փորձագետը ասում է, որ չկան հստակ միջազգային չափանիշներ, թե ինչպիսի պայմաններ են պետք զինվորական կրթելու համար:
