07:05 22 մարտի 2019
Ուղիղ եթեր
  • USD486.10
  • GBP640.24
  • EUR554.45
  • RUB7.64
ՌԱԴԻՈ

Անկողինը պետք է միայն քնելու տեղ լինի. Խաչատրյանը բացահայտում է որակյալ քնի գաղտնիքը

Ստանալ կարճ հղումը
254 0 0

Նյարդաբան, սոմնոլոգ, քնի խանգարումների հայաստանյան ասոցիացիայի նախագահ Սամսոն Խաչատրյանը Sputnik Արմենիայի հետ զրույցում բացատրում է, որ ննջասենյակում պետք է ապահովել քնի համար անհրաժեշտ պայմաններ։

Ըստ Խաչատրյանի` անկողինը պետք է լինի միայն քնելու տեղ, այլ ոչ թե տարբեր զբաղմունքների։

«Քնելուց առաջ չի կարելի կարդալ, հեռուստացույց դիտել, հեռախոսով զբաղվել։ Այդպես անկողին–քուն ասոցիատիվ կապը խաթարվում է։ Ինչ–որ բանի ֆոնին քնելը, օրինակ, հեռուստացույցի ձայնի ներքո, նշանակում է, որ արդեն քնի խանգարման խնդիր կա։

Ըստ Խաչատրյանի` 3 ազդակ կա, որոնք կարևոր են որակյալ քնի համար` ձայնային (աղմուկ չպետք է լինի), ջերմային (ոչ սառը և ոչ էլ տաք սենյակ), լուսային (որևէ տեսակի լուսավորություն չպետք է լինի)։

Քունը շեղող որևէ բան ննջասենյակում չպետք է լինի։

Մասնագետի գնահատմամբ` կարևոր է նաև քանի ժամանակահատվածը։

Չափահաս մարդը պետք է քնի առնվազն 7 ժամ, իսկ 6 և ավելի պակաս ժամերի դեպքում նշանակում է կա քնի խրոնիկ խնդիր, որ կհանգեցնի սրտանոթային , ուղեղանոթային հիվանդություններից մինչև հիշողության վրա ազդող հիվանդություններ՝ Ալցհեյմերի հիվանդություն, ծերունական հիվանդության։

«Առողջ ծերության հիմքը դնում ենք երիտասարդության ժամանակ` կանոնակարգված քնի ռեժիմով։ Կոֆեին պարունակող նյութերը`թեյ–սուրճ, ժամը 5–ից հետո չի կարելի խմել։ Դրանք ազդում են քնի վրա։ Խոսքը չի վերաբերում միայն հայկական ուրցին ու դաղձին» ,– ասում է Խաչատրյանը։

Նյարդաբանը հիշեցնում է` չմոռանաք քնելուց առաջ անջատել գաջեթները. սմարթֆոնի, լափթոփի, պլանշետի լույսերը բացասաբար են ադրադառնում քնի որակի վրա։

Մասնագետն ասում է, որ քնելուց առաջ լույսը ընկճում է մելատոնինի` քնի հորմոնի առաջացումը և բերում է քնի քրոնիկ հիվանդությունների առաջացման։

Հաղորդավար՝ Արամ Չախոյան

Այլ տեսանյութեր

Գլխավոր թեմաներ