10:02 18 սեպտեմբերի 2019
Ուղիղ եթեր
  • USD476.10
  • GBP590.36
  • EUR524.47
  • RUB7.42
Սուրեն Պապիկյան
© Sputnik / Aram Nersesyan ,

Պապիկյան. «Այդ հողատարածքների աճուրդները տեղի են ունեցել ոչ օրենքով սահմանված կարգով»

ՌԱԴԻՈ
Ստանալ կարճ հղումը
92 0 0

Տարածքային կառավարման և զարգացման նախարար Սուրեն Պապիկյանն անդրադարձել է Ազգային ժողովի նախկին պատգամավոր, գեներալ Մանվել Գրիգորյանին պատկանող առանձնատանը գտնված հողակտորների սեփականության վկայականներին։

Ըստ նախարարի` առկա են տասնյակ հողակտորներ, որոնք պատկանում են այս կամ այն մարդկանց, բայց որոնց սեփականության վկայականները գտնվել են ՀՀ ԱԺ նախկին պատգամավոր Մանվել Գրիգորյանի մոտ:

«Ցավոք, ՀՀ-ում տարիներ, տասնամյակներ շարունակ ընդունված ավանդույթ է եղել, երբ պաշտոնը ստանալուց հետո պաշտոնյաները սկսել են ազատ տարածքների, այսպես կոչված՝ «փայ-փայ» անելու գործընթացը»,-փաստում է Պապիկյանը։

Ըստ Պապիկյանի, կա նախնական եզրակացություն, որ այդ հողատարածքների աճուրդները տեղի են ունեցել ոչ օրենքով սահմանված կարգով։

«Այս ամենի շուրջ ուսումնասիրություն կկատարենք, համապատասխան արձանագրություն կազմելուց հետո կդիմենք, հավանաբար, վարչական դատարան»,-ասում է նախարարը։

Նախարարը վստահեցրեց, որ իրենք իրենց իրավասության շրջանակում դիմելու են համապատասխան մարմիններին՝ Հայաստանի արդարությունը վերականգնելու համար:

թեգերը:
Սուրեն Պապիկյան, Հայաստան

Գլխավոր թեմաներ