04:49 16 հոկտեմբերի 2019
Ուղիղ եթեր
  • USD476.57
  • GBP602.53
  • EUR524.89
  • RUB7.40
Առողջապահության նախարարության իմունականխարգելման ծրագրի ղեկավար Գայանե Սահակյան

Սահակյան. «Պատվաստումների առումով ունենք անհանգստացնող իրավիճակ»

ՌԱԴԻՈ
Ստանալ կարճ հղումը
102 0 0

ՀՀ առողջապահության նախարարության Հիվանդությունների վերահսկման և կանխարգելման ազգային կենտրոնի գլխավոր տնօրենի խորհրդական Գայանե Սահակյանը Sputnik Արմենիայի եթերում խոսել է կարմրուկի մասին։

Գայանե Սահակյանի խոսքով` կարմրուկի տարածման առումով հանրապետությունում վիճակը կայուն է։

«Ունենք անհանգստացնող իրավիճակ, քանի որ հատկապես վերջին 4 տարիների ընթացքում պատվաստումների ցուցանիշը նվազում է, այդ թվում` կարմրուկի։ Եթե 4 տարի առաջ խոսում էինք 98 տոկոսի մասին, ապա երեխաների պլանային պատվաստումների ցուցանիշը նվազել է, և այժմ 95 տոկոսի սահմանում ենք»,– նշեց Սահակյանը։

Մասնագետի գնահատմամբ` եթե այս միտումները շարունակվեն տարիների ընթացքում, ապա կունենանք չպատվաստված բնակչության մի հոծ զանգված, ինչն էլ հենց կարող է դառնալ նպաստավոր միջավայրը` վիրուսի շրջանառության համար։

«Այսպես շարունակվելու դեպքում առաջիկա 2 տարվա ընթացքում կունենաք այնպիսի վիճակ, ինչպիսի վիճակ այժմ Վրաստանում և Ուկրաինայում է»,– ասաց Սահակյանը։

Կարմրուկի արձանագրված դեպքից 21 օր հետո նոր միայն պարզ կդառնա` կարմրուկի բռնկում կլինի, թե ոչ։

Նշենք, որ Հայաստանում գրանցվել է կարմրուկի 4–րդ դեպքը։ Վարակը հաստատվել է օտարերկրյա քաղաքացու մոտ, որը Հայաստան էր եկել Ուկրաինայից։

Ըստ թեմայի

Ինչպես է կարմրուկը «գալիս» Հայաստան, ինչ է պետք անել հիվանդության տարածումը կանխելու համար
Հայաստանը Վրաստանին 30.000 դոզա կարմրուկի պատվաստանյութ կտրամադրի. Թորոսյան
Հայաստանում կարմրուկի 2-րդ բերովի դեպքն է արձանագրվել. հիվանդը Վրաստանով է ժամանել
Սպառնալիք կարմրուկի տեսքով. նախարարը պնդում է, որ պետք է պատվաստում ստանալ, եթե չեք ստացել

Գլխավոր թեմաներ