05:08 24 ապրիլի 2019
Ուղիղ եթեր
  • USD481.56
  • GBP626.56
  • EUR542.00
  • RUB7.56
Լիլիթ Գալստյան
© Photo : Facebook / Lilit Galstyan

Գալստյան. «Մենք պետք է կարողանանք հավասարակշռել մշակութային և օրենսդրական շահը»

ՌԱԴԻՈ
Ստանալ կարճ հղումը
18910

ՀՅԴ մշակույթի, սպորտի ու երիտասարդության հարցերով հանձնախմբի պատասխանատու, հասարակական ու քաղաքական գործիչ Լիլիթ Գալստյանը, որը ևս բողոքում է Օրբելյանի ազատման դեմ, Sputnik Արմենիայի հետ զրույցում ներկայացրել է Օպերայի և բալետի ազգային ակադեմիական թատրոնի տնօրենի պաշտոնից Կոնստանտին Օրբելյանին ազատելու հետ կապված իր հակափաստարկները։

«Եթե Օրբելյանի տնօրեն մնալու հետ կապված կար օրենսդրական խնդիր, ապա ես կգերադասեի, որ մեր պետական լիազոր մարմինը սկսեր օրենսդրական դաշտում խութերն ու խոչընդոտները վերացնել, որպեսզի մշակութային կյանքը Հայաստանում զարթոնք ապրեր»,-ասում է Լիլիթ Գալստյանը։

Այդուհանդերձ, Գալստյանը ավելի քան վստահ է, որ մշակութային կյանքը շնորհիվ նաև Օրբելյանի, այսօր զարթոնք է ապրում։

«Հիմա մենք պետք է կարողանանք հավասարակշռել մշակութային և օրենսդրական շահը»,–կարծում է հասարակական-քաղաքական գործիչը։

Լիլիթ Գալստյանը վստահեցնում է, որ կողմնակից է, որ պետք է օրենքի երկիր կառուցենք, սակայն միևնույն ժամանակ համարում է, որ օրենքը պետք է ծառայի մարդուն, այլ ոչ հակառակը։

«Անընդունելի եմ համարում, որ մեր երկրի համար գերակա և ռազմավարական նշանակություն ունեցող մշակույթի ոլորտը ղեկավարվում է մարդկանց կողմից, որ այդ ոլորտից մղոններով հեռու են»,-ասում է Գալստյանը։

Դաշնակցական գործչի խոսքով, պետք է գնալ խնդիրները լուծելու, բանակցելու, հաշտության ճանապարհով, քանի որ չի կարելի վարչահրամայական տոնով կառավարել մշակույթի ոլորտը։

թեգերը:
Հայ Յեղափոխական Դաշնակցություն (ՀՅԴ), ՀՀ մշակույթի նախարարություն, Երևան, Հայաստան

Գլխավոր թեմաներ