18:36 22 օգոստոսի 2019
Ուղիղ եթեր
  • USD475.91
  • GBP577.33
  • EUR527.40
  • RUB7.25
Նաիրա Զոհրաբյան
© Sputnik / Aram Nersesyan

Զոհրաբյան. «Մենք ուզում ենք Արցախի հարցով մեր օրակարգի մասին տեղեկություն ունենալ»

ՌԱԴԻՈ
Ստանալ կարճ հղումը
52 0 0

Խորհրդարանում ներկայացված քաղաքական ուժերը պետք է ունենան որոշակի տեղեկություններ Վիեննայում կայացած հանդիպման և բանակցությունների գործընթացի վերաբերյալ։ Sputnik Արմենիայի հետ զրույցում ասում է ԲՀԿ պատգամավոր Նաիրա Զոհրաբյանը։

Պատգամավորի խոսքով`«Իմ քայլը» ՀՀ վարչապետ Նիկոլ Փաշինյանին հրավիրել է խմբակցություն`գործընթացի շուրջ տեղեկություններ ստանալու համար։ Նույնը պատրաստվում է անել «Լուսավոր Հայաստանը»։ «Բարգավաճ Հայաստանն» էլ կարող է առանձին հանդիպում անցկացնել Փաշինյանի հետ։

«Մենք ուզում ենք Արցախի հարցով մեր օրակարգի մասին համապարփակ տեղեկատվություն ունենալ` ի՞նչ է քննարկվել, առաջիկա քայլերը որո՞նք են լինելու»,– ասում է Նաիրա Զոհրաբյանը։

Սակայն նա կարծում է, որ խնդիրն ավելի լայն և համակողմանի քննարկման կարիք ունի։ Այդ պատճառով էլ իր կուսակցությունը կազմակերպում է խորհրդարանական փակ քննարկում` հրավիրելով Հայաստանի ու Արցախի քաղաքական և ռազմական ղեկավարներին` մասնակցելու հանդիպմանը։

Ըստ Զոհրաբյանի` տեղեկություն է պետք տրամադրել քաղաքական ուժերին, քանի որ այն հայտարարությունները, որ անում է ադրբեջանական կողմը, չեն բխում բանակցության խաղաղ տրամաբանության ոգուց, ինչ մասին խոսում էին Հայաստանի վարչապետն ու համանախագահները։

Ըստ թեմայի

Հայաստանը երբեք չի հրաժարվելու երկխոսությունից. Փաշինյանը`ղարաբաղյան հակամարտության մասին
Ստեփանակերտը ղարաբաղյան կարգավորման հարցում կարող է ունենալ իր տեսակետը. Մնացականյան
Սարգսյան. «Ղարաբաղյան հակամարտության կարգավորման գործընթացում հաշտեցման հեռանկար չկա»
թեգերը:
Արցախ, Նաիրա Զոհրաբյան, Հայաստան

Գլխավոր թեմաներ