21:22 21 ապրիլի 2019
Ուղիղ եթեր
  • USD482.31
  • GBP627.00
  • EUR542.36
  • RUB7.54
Ռոբերտ Հայրապետյան
© Photo : provided by Robert Hayrapetyan

Հայրապետյան. «Աշխատանքից ազատման վարչապետի ցուցումն օրենքի կոպիտ խախտում է»

ՌԱԴԻՈ
Ստանալ կարճ հղումը
ՀՀ վարչապետ Նիկոլ Փաշինյան (709)
30010

Նորագավիթի մաքսատանը տեղի ունեցած միջադեպից հետո մաքսային ծառայողին ազատման դիմում գրելուն պարտադրելու վերաբերյալ Sputnik Արմենիան զրուցել է «Իրավական կրթություն և վերահսկողություն» հասարակական կազմակերպության իրավաբան Ռոբերտ Հայրապետյանի հետ։

Ապրիլի 9-ին Նորագավիթի մաքսատուն վարչապետ Նիկոլ Փաշինյանի այցից ու հայաստանյան դրոշի նկատմամբ ոչ պատշաճ վերաբերմունքի հետ կապված նրա նկատողությունից հետո աշխատանքից ազատվել է ոչ միայն մաքսատան տվյալ աշխատակիցը, այլև նրա վերադաս վարչության պետը: Գործադիրի ղեկավարն անձամբ պահանջեց, որ մաքսային ծառայողը աշխատանքից ազատման դիմում գրի։ Տեղի ունեցածից հետո Փաշինյանը ֆեյսբուքի իր էջում գրել էր. «Հայաստանի պետական կառավարման համակարգում չի կարող աշխատել գեթ մեկ մարդ, ով Հայաստանի պետական դրոշը գցել է ոտքերի տակ: Եթե պետք լինի տասնյակ հազարավորների ազատել աշխատանքից՝ կազատեմ: Բայց նման վերաբերմունք պետական դրոշի նկատմամբ չեմ հանդուրժի»։

«Մաքսային ծառայության մասին ՀՀ օրենքը հստակ սահմանում է մաքսային ծառայողի աշխատանքից ազատման հիմքերը, որտեղ անձնական դիմումը հստակ ամրագրված է որպես աշխատանքից ազատման հիմք»,-փաստում է Ռոբերտ Հայրապետյանը։

Ինչ վերաբերում է աշխատանքից անձնական դիմումով ազատման խնդրին, ապա իրավաբանի խոսքով, դա պետք է արտացոլի աշխատողի ազատ կամարտահայտությունը։

«Այսինքն` աշխատողին ազատման դիմում գրելու որևէ ցուցում, որևէ հրահանգ, որևէ խնդրանք, որևէ հորդոր ոչ ոք տալու իրավասություն չունի։ Այս պարագայում վարչապետը ակնհայտորեն տվել է ցուցում՝ աշխատանքից ազատման դիմում գրելու, ինչը օրենքի կոպիտ խախտում է»,-փաստում է Հայրապետյանը։

«Իրավական կրթություն և վերահսկողություն» հասարակական կազմակերպության իրավաբանը կարծում է. որ մաքսային ծառայողին կարելի էր առավելագույնը ենթարկել կարգապահական պատասխանատվության ։

 

թեմա:
ՀՀ վարչապետ Նիկոլ Փաշինյան (709)
թեգերը:
Նիկոլ Փաշինյան, Հայաստան

Գլխավոր թեմաներ