08:22 26 օգոստոսի 2019
Ուղիղ եթեր
  • USD475.99
  • GBP581.09
  • EUR526.40
  • RUB7.25
Լևոն Գալստյան
© Sputnik / Aram Nersesyan

Գալստյան. «Լիդիան» ընկերության հայտարարությունը պարզագույն ապակողմնորոշում է»

ՌԱԴԻՈ
Ստանալ կարճ հղումը
71 0 0

Անցած շաբաթ «Լիդիան» ընկերությունը տարածեց հաղորդագրություն, համաձայն որի վարչական դատարանը որոշում է կայացրել հօգուտ «Լիդիան Արմենիա» ընկերության։ Ըստ դրա`դատարանը պետք է ոստիկանությանը պարտավորեցնի ապահովել ընկերության աշխատակիցների ազատ մուտքը Ամուլսարի տարածք։

«Ոստիկանությանը հանձնարարվել է հեռացնել ներխուժած անձանց ու նրանց գույքն ընկերության տարածքից»,-նշված է հաղորդագրության մեջ։ Բավարարելով «Լիդիանի» հայցը` դատարանն արձանագրել է, որ հավաքների անցկացման իրավունքի իրացումը բացարձակ բնույթ չի կրում և չի կարող իրացվել ցանկացած վայրում, տվյալ դեպքում՝ առանց սեփականատիրոջ համաձայնության։ «Լիդիանի» ղեկավարությունը հույս է հայտնել, որ ոստիկանությունը շուտափույթ կկատարի դատարանի որոշումը։

Մինչդեռ Հայկական բնապահպանական ճակատի անդամ, աշխարհագրագետ Լևոն Գալստյանը Sputnik Արմենիայի հետ զրույցում պնդում է, որ «Լիդիանը» աղավաղված է ներկայացրել դատարանի որոշումը։

«Լիդիան» ընկերության հայտարարությունը պարզագույն ապակողմնորոշող հայտարարություն է»,-պնդում է Հայկական բնապահպանական ճակատի անդամը։

Լևոն Գալստյանի խոսքով, դատարանի որոշումը վերաբերում է այն տարածքին, որտեղ «Ամուլսարի պահապանների» խումբը տեղադրել է իրենց տնակները` ձմռանը բողոքի ակցիան շարունակելու նպատակով։ 2018 թ. սեպտեմբերի 20-ին «Լիդիանը» հայց էր ներկայացրել ՀՀ վարչական դատարան` պահանջելով պարտավորեցնել ոստիկանությանը կիրառել օրենքի պահանջը և հեռացնել ընկերության տարածք ներխուժած ցուցարարներին, որոնք արգելափակել են ընկերության մուտքը դեպի Ամուլսար:

Ըստ թեմայի

«Լիդիան Արմենիա» ընկերության դեմ քրեական գործ հարուցվեց
«Լիդիան Արմենիան» դիմում է Նիկոլ Փաշինյանին. ընկերությունը մեղադրում է Արթուր Գրիգորյանին
Փաշինյանը խոսել է «Լիդիան Ինթերնեյշնլի» ղեկավարների հետ
թեգերը:
Հայաստան

Գլխավոր թեմաներ