08:08 24 մայիսի 2019
Ուղիղ եթեր
  • USD479.98
  • GBP606.50
  • EUR534.46
  • RUB7.42
Արման Ծատուրյան
© Sputnik / Asatur Yesayants

Ծատուրյան․ «Մուկն անգամ չի կարող անցնել պատկերասրահի պահոցներից»

ՌԱԴԻՈ
Ստանալ կարճ հղումը
40 0 0

Հայաստանի ազգային պատկերասրահի տնօրեն Արման Ծատուրյանին զայրացնում է պատկերասրահի շուրջ բարձրացած աղմուկը։ Նա այդ մասին խոսել է Sputnik Արմենիայի եթերում։

Արման Ծատուրյանն անդրադարձել է պատկերասրահից նկարներ անհետանալու մասին լուրերին։

«Պատկերասրահի ֆոնդերից անգամ մուկ չի կարող անցնել, որը չֆիքսվի»,– ասում է նա։

Պատկերասրահի տնօրենը նշում է, որ ֆոնդերում մոտ 80 տեսախցիկ է տեղադրված, ինչպես նաև լազերային տվիչներ։ Սրահներում կան անվտանգության կոճակներ, և զինված ոստիկանները 5-7 րոպեում արագ արձագանքում են։

Ազգային պատկերասրահի տնօրենի խոսքով՝ իր նպատակը թանգարանի վարկանիշը բարձրացնելն է։ Նա վստահեցնում է, որ իր պաշտոնավարումից ի վեր գնացել է պատկերասրահի շուրջ ծավալված բոլոր մութ պատմությունների հետևից։

«Կարող է` «ծախել են», կարող է` կեղծ են. բոլոր պատմությունների հետևից մինչև վերջ գնացել եմ, բոլորը սուտ են»,– ասում է Ծատուրյանը։

Մայր թանգարանի տնօրենը խնդրում է անպատասխանատու հայտարարություններ չանել, որոնք վնասում են պատկերասրահի վարկանիշին։ Նա հորդորում է՝ ստույգ տվյալներ ունենալու դեպքում խուսափել ֆեյսբուքյան գրառումներից և դիմել ոստիկանությանը կամ պատկերասրահին։

Ըստ թեմայի

Հայաստանի ազգային պատկերասրահը հերքում է պատկերասրահից թանկարժեք կտավների անհետացման լուրը

Գլխավոր թեմաներ