Նշենք , որ ԱԺ փոխնախագահ Ալեն Սիմոնյանը հայտարարել է, որ մինչև տարեվերջ սպասվում է Վլադիմիր Պուտինի այցը Հայաստան։ Բացի այդ Փաշինյան-Պուտին հանդիպում կկայանա Աստանյում։ Իսկ մինչև այդ մի քանի օրից Հայաստան կժամանի վարչապետ Մեդվեդևը։
«Ես կարծում եմ, որ Ռուսաստանի նախագահ Պուտինը Հայաստան կայցելի, որովհետև կապ չունի ինչ իշխանություն է այսօր Հայաստանում»,-ասել է Սարգսյանը։
Ըստ Սարգսյանի՝ գլխավոր հարցը, որ Հայաստանի հարաբերությունները Ռուսաստանի հետ ինչպես եղել են ամուր, այդպիսին էլ պահպանվեն, քանի որ դա բխում է մեր պետական, ազգային շահերից։
Քաղաքական գործչի գնահատմամբ՝ Հայաստանի արտաքին քաղաքական վեկտորները 5-ն են և այդ ուղղություններով պետք է համապատասխան քաղաքականություն վարել՝ առանձնացնելով մեր դաշնակից երկրին՝ Ռուսաստանին, որի հետ մենք ամուր և կարևոր հարաբերություններ ունենք։
Սարգսյանը նաև նշում է, որ կան մարդիկ, որոնք ասում են, թե մենք պետք է ձերբազատվենք Ռուսաստանից և այլ ճանապարհով գնանք, եթե կկարողանան այդպիսի հաշվարկներ ներկայացնել, որ Հայաստանը այդ պարագայում ավելի ամուր անվտանգություն կունենա, ավելի շատ զարգացման հնարավորություններ կունենա՝ կարելի է քննարկել։
