17:21 07 ապրիլի 2020
Ուղիղ եթեր
  • USD499.37
  • GBP614.92
  • EUR543.06
  • RUB6.62

Հակոբյան. «Խուլ, քողարկված դժգոհությունները ջրի երես են դուրս գալիս»

ՌԱԴԻՈ
Ստանալ կարճ հղումը
91 0 0

Իշխանության ներսում երկու` քաղաքական և քաղաքացիական (սորոսական) թևերի հակամարտությունը տեղափոխվել է նաև արտաքին քաղաքական ասպեկտ։ Sputnik Արմենիայի հետ զրույցում ասել է քաղտեխնոլոգ Վիգեն Հակոբյանը։

Վիգեն Հակոբյան. «Խուլ, քողարկված դժգոհությունները ջրի երես են դուրս գալիս»

Հակոբյանը կարծում է, որ եթե նախկինում Նիկոլ Փաշինյանին ոչ ոք չէր մեղադրում ավելորդ «պրոռուսականության» մեջ, ապա հիմա, այդպես չէ. այն միջադեպը, որ տեղի ունեցավ ԵԱՏՄ նիստի ժամանակ Փաշինյանի և Մեդվեդևի մասնակցությամբ, դարձավ հակառուսական օրակարգային թեմա և ինֆորմացիոն ռեսուրսների գործադրմամբ մի քանի օր մնաց օրվա թեմա։

«Պարզ է, որ Նիկոլ Փաշինյանի` Ռուսաստանի հետ ավելի հարթ և ավելի կանխատեսելի, կայուն հարաբերություններ ունենալու քաղաքականությունն ինչ–որ պրոցեսից հետո (դա կարող էր լինել ՊՎԾ պետ Դավիթ Սանասարյանի գործը) բերեց նրան, որ խուլ, քողարկված դժգոհությունները ջրի երես դուրս եկան»,– ասում է Հակոբյանը։

Նրա խոսքով` հիմա ուղղակի «դոբրոն» ստացվել է, որ Փաշինյանին մեղադրեն ավելորդ «պրոռուսականության» մեջ։ Թեման դարձել է թրենդային։ Եվ կշարունակվի, քանի որ որոշակի կամուրջներ սկսում են այրվել, որոշակի սահմաններ սկսում են անցնել։

Ըստ Հակոբյանի` 2 կողմն էլ սկսում են ռեսուրսներ օգտագործել` ինֆորմացիոն դաշտում բավական կոշտ և կոպիտ, իրական կյանքում` դեռևս փափուկ։

Այս իրավիճակից խուսափելու համար, Հակոբյանի գնահատմամբ, պետք է պայմանավորվածություններ ձեռք բերվեն, օրինակ` քրեական գործերի մասով։ Հակառակ դեպքում ներքին խմորումները պարարտ հող կստեղծեն, որպեսզի աշխարհաքաղաքական որոշ խաղացողներ սկսեն խաղալ այստեղ։

Գլխավոր թեմաներ