09:24 16 սեպտեմբերի 2019
Ուղիղ եթեր
  • USD476.18
  • GBP592.94
  • EUR528.61
  • RUB7.41
Արմեն Հովհաննիսյան

Հովհաննիսյան․«Հանձնաժողովը պետք է ոչ պարտակի, ոչ էլ մարդկանց «գլխին սարքի»»

© Facebook / Արմեն Հովհաննիսյան
ՌԱԴԻՈ
Ստանալ կարճ հղումը
56 0 0

Ապրիլյան պատերազմի քննիչ հանձնաժողովի ստեղծմամբ անհանգստացած են մարդիկ, որոնցից կախված էր իրավիճակն ապրիլյան պատերազմի օրերին, որոնք պետք է բանակին պատրաստած լինեին նման դեպքերի համար։ Sputnik Արմենիայի հետ զրույցում նման կարծիք է հայտնել քաղաքագետ Արմեն Հովհաննիսյանը։

 

Քաղաքագետի խոսքով՝ ջայլամի պես չպետք է թաքնվենք․ հաջորդ բախումը մի օր լինելու է, և մենք պետք է պատրաստ լինենք դրան։ Դրա համար մի քիչ էլ շոկային թերապիա է պետք, քանի որ շատ թուլացած վիճակում ենք ապրել և մեզ թույլ ենք տվել բաներ, որոնք պատերազմող երկիրը չպետք է թուլ տար։

«Հանրության ճնշման ներքո հանձնաժողովը պետք է աշխատի առավել օբյեկտիվ լինել․ոչ պարտակել ինչ-որ հանցագործություններ, ոչ էլ մարդկանց գլխին սարքել և փորձել քաղաքական հաշվեհարդարներ տեսնել։ Դա մեր հանրային պահանջը պետք է լինի»,-ասաց Հովհաննիսյանը։

Ըստ քաղաքագետի՝ այնպես չէ, որ մենք արյուն ենք ուզում, ուզում ենք բանտերը լցվեն։ Խնդիրն այն է, որ բոլոր մեխանիզմները պետք է բացահայտվեն, իսկ իշխանություններից պետք է պահանջենք շուտափույթ և արդյունավետ  քայլեր ձեռնարկեն` այդ բոլոր մեխանիզմները բացառելու համար։

«Եթե դա չի լինելու, ապա  կստացվի մազոխիստական ակտ․ հավաքվենք, նստենք, խոսենք, թե ինչքան վատն են մենք»,–ասում է Հովհաննիսյանը։

Հիշեցնենք` վարչապետ Նիկոլ Փաշինյանը դատաիրավական համակարգի վերաբերյալ ընդարձակ ելույթի ընթացքում նշել էր, որ հասունացել է 2016 թվականի ապրիլյան պատերազմի հանգամանքներն ուսումնասիրող Ազգային ժողովի քննիչ հանձնաժողով ստեղծելու և բոլորին հուզող մի շարք հարցերի պատասխանները ստանալու ժամանակը:

Ապրիլյան պատերազմի հարցով ԱԺ քննիչ հանձնաժողովը ստեղծվել է և արդեն սկսել է աշխատանքները։

թեգերը:
Ապրիլյան քառօրյա պատերազմ, ԱԺ, Նիկոլ Փաշինյան, Հայաստան

Գլխավոր թեմաներ