01:05 16 սեպտեմբերի 2019
Ուղիղ եթեր
  • USD476.18
  • GBP592.94
  • EUR528.61
  • RUB7.41
Երվանդ Բոզոյան
© Sputnik / Asatur Yesayants

Բոզոյան․ «Փաշինյանը գնալով նմանվում է Գորբաչովին»

ՌԱԴԻՈ
Ստանալ կարճ հղումը
79 0 0

«Պոլիտէկոնոմիա» հետազոտական ինստիտուտի քաղաքական մեկնաբան Երվանդ Բոզոյանը կարծում է, որ Աբովյանի քաղաքապետի ընտրությունը պետք է ազդակ լինի իշխանության համար։ Նա վերջին ընտրության մասին խոսել է Sputnik Արմենիայի եթերում։

Երվանդ Բոզոյանի խոսքով` Աբովյանի քաղաքապետի ընտրությունը ցույց տվեց, որ Նիկոլ Փաշինյանի իշխանության վարկանիշը զգալիորեն նվազել է, և եթե իշխանությունը հետևություններ չանի, ապա 6 ամիս անց ավելի վատ վիճակում կլինի։

Ըստ քաղաքագետի՝ ժողովուրդն անցած տարվա ապրիլ-մայիսին շատ ոգևորված էր և մտածում էր` նոր էջ է բացվում երկրի զարգացման համար, այդ պատճառով էլ վստահության քվեն տվեց Փաշինյանին։ Սակայն այս 1 տարվա ընթացքում շոշափելի փոփոխություններ չեղան։

«Փաշինյանը գնալով նմանվում է Գորբաչովին, ինչպես նա էր Խորհրդային Միության վերջին տարիներին․ խոսքերը շատ էին, գեղեցիկ, բայց կոնկրետ գործեր չկային»,- ասում է Բոզոյանը։

Աբովյանի քաղաքապետի ընտրությունը պետք է ազդակ լինի իշխանության համար։ Փաշինյանի թիմը հավաքեց մոտ 40 տոկոս` նախկին խորհրդարանական ընտրությունների 70 տոկոսի փոխարեն։ Ըստ Բոզոյանի` եթե այսպես շարունակվի (իսկ գահավիժումն արագ է լինելու), այս թվերը կարող են զգալի պակասել։

Հիշեցնենք, որ ՀՀ 23 համայնքում հունիսի 9-ին անցկացվեցին տեղական ինքնակառավարման մարմինների ընտրություններ, որոնց, նախնական տվյալներով, մասնակցել են 32 523 ընտրող կամ ընտրողների 44,36 տոկոսը։Աբովյանում կայացած քաղաքապետի ընտրությանը հաղթեց գործող քաղաքապետ Վահագն Գևորգյանը։

Ըստ թեմայի

Պատկերացնո՞ւմ եք, որ ես մասնակցեի, ինչ կլիներ. Ծառուկյանը` քաղաքապետի ընտրության մասին
Էյֆորիան անցել է, գործերն են հետաքրքրում. քաղտեխնոլոգը` Աբովյանի ընտրությունների մասին
Աբովյան. «ժողովրդավարության հաղթանա՞կ», «արժանապատիվների պարտությու՞ն», թե՞ հոգեվարք
թեգերը:
Ընտրություններ, Նիկոլ Փաշինյան, Հայաստան

Գլխավոր թեմաներ