16:18 23 սեպտեմբերի 2019
Ուղիղ եթեր
  • USD476.13
  • GBP596.40
  • EUR525.98
  • RUB7.47
Արմեն Բադալյան
© Sputnik / Aram Nersesyan

Բադալյան. «Ամուլսարի հարցում կայացվել է ոչ թե բնապահպանական, այլ քաղաքական որոշում»

ՌԱԴԻՈ
Ստանալ կարճ հղումը
104 0 0

Քաղտեխնոլոգ Արմեն Բադալյանը Sputnik Արմենիայի հետ զրույցում խոսել է Ամուլսարի հանքի շահագործման հարցի մասին։ Քաղտեխնոլոգի դիտարկմամբ` Ամուլսարի հարցը միայն տնտեսական կամ բնապահպանական չէ։

«Դա արտասահմանյան, մասնավորապես անգլո-ամերիկյան խոշոր ներդրում է, և Հայաստանում ԱՄՆ-ի  նախկին դեսպանը բավականին ակտիվորեն աջակցում էր Ամուլսարի հանքի շահագործման գործընթացին»,–հիշեցնում է Բադալյանը։

Նրա խոսքով` սեպտեմբերին Ամերիկայի Միացյալ Նահանգներ այցի ընթացքում վարչապետ Նիկոլ Փաշինյանի համար լավագույն հնարավորություն է Ամուլսարի հարցի արծարծումը։

Ինչ վերաբերում է Ամուլսարի հանքի վերաբերյալ լիբանանյան «Էլարդ» ընկերության եզրակացությունը, ապա այդ առումով քաղտեխնոլոգի մոտեցումը միանշանակ չէ։

«Ես չեմ կարծում, որ փորձագիտական գնահատականը զուտ բնապահպանական տեսակետից է տրվել, ըստ իս` կայացվել է քաղաքական որոշում, որ փորձագիտական եզրակացությունը պետք է դրական լինի»,–ասում է Բադալյանը։

Հիշեցնենք`Ամուլսարի ոսկու հանքը պաշարներով Հայաստանի երկրորդ հանքավայրն է։ Այն շահագործելու համար արտոնագիր է ստացել Հայաստանում Lydian International դուստր ընկերություն` GeoTeam-ը, որը ավելի ուշ վերանվանվել է Lydian Armenia-ի։ Ամուլսարի լեռնագագաթը գտնվում է Վայոց Ձորի և Սյունիքի մարզերի սահմանագլխին՝ Ջերմուկ քաղաքից 10 կմ հեռավորության վրա: Հանքավայրի շինարարության պաշտոնական մեկնարկը տրվել է 2016թ-ի օգոստոսի 19-ին: Ամուլսարը Հայաստանում այս պահին ամենախոշոր միջազգային ներդրումն է: Հանքի շահագործումը Հայաստանում իշխանափոխությունից հետո դադարեցվել է, հարուցվել է քրեական գործ` չարաշահումների և բնապահպանական օրենսդրության խախտումների փաստով։ Կառավարության հրավերով հանքի տարածքում միջազգային բնապահպանական փորձաքննություն է իրականացվել։ ՀՀ վարչապետ Նիկոլ Փաշինյանը հայտարարել էր, որ հանքը չի շահագործվի, քանի դեռ փորձաքննությունը դրական եզրակացություն չի տվել։

Լիբանանյան «Էլարդ» ընկերությունն օրերս ներկայացրել էր Ամուլսարի հանքի վերաբերյալ փորձաքննության եզրակացությունը, համաձայն որի Սևանի ու Ջերմուկի հանքային ջրերի վրա Ամուլսարի հանքավայրի շահագործումը որևէ բացասական ազդեցություն չի ունենա։ Ավելի վաղ քրեական գործ էր հարուցվել Ամուլսարի հանքավայրի շահագործման հետևանքով բնությանը հասցվող վնասի վերաբերյալ տեղեկատվությունը թաքցնելու փաստով, սակայն «Էլարդի» եզրակացությունից հետո, քննչական կոմիտեն հայտարարեց, որ քրեական հետապնդման հիմքեր չկան ու գործը, ամենայն հավանականությամբ, կկարճվի։ Գործադիրի նախորդ նիստում էլ վարչապետ Նիկոլ Փաշինյանն ասաց, որ կառավարությունը շարունակում է ուսումնասիրել Ամուլսարի հարցով փորձագիտական եզրակացությունը։ Ի դեպ, հանքի շահագործման հարցում մոտեցումները իշխող ուժի շրջանում միասնական չեն։ Ազգային ժողովի «Իմ քայլը» խմբակցության պատգամավորներից մի քանիսը հրապարակավ կողմ են արտահայտվել Ամուլսարի հանքի շահագործմանը, մի քանիսն էլ՝ դեմ են։

թեգերը:
Ոսկի, հանքարդյունաբերություն, հանք, Անգլիա, Ամերիկայի Միացյալ Նահանգներ, Լիդիան, Ամուլսար

Գլխավոր թեմաներ