13:25 16 սեպտեմբերի 2019
Ուղիղ եթեր
  • USD476.18
  • GBP592.94
  • EUR528.61
  • RUB7.41
Էդմոն Զարգարյան
© Photo : provided by Edmon Zargaryan

Զարգարյան. «Ձյունիկ սառնարանում» բռնկված հրդեհի պատճառները կպարզվեն կրակը մարելուց հետո

ՌԱԴԻՈ
Ստանալ կարճ հղումը
165 0 0

Կրակը վերևի հարկում է, որտեղ մուտք չկա: Հրշեջները պատերը ծակում են, անցքերով ջուր լցնում, ինչը տեսանելի արդյունք չի տալիս:

ՀՀ ԱԻՆ Տեղեկատվության և հասարակայնության հետ կապերի վարչության պետ, նախարարի մամուլի քարտուղար Էդմոն Զարգարյանը Sputnik Արմենիայի հետ զրույցում խոսում է «Ձյունիկ սառնարան» կոմբինատում բռնկված հրդեհի մարման աշխատանքների մասին։

Ըստ Զարգարյանի՝ գրեթե անհնար է կրակը մարել, չնայած որ՝ ջուրն անընդհատ լցնում են։

«Զարգարյանի խոսքով՝ չնայած իրենք ամեն բան անում են, որ մարվի, բայց այս պահին կրակը վերևի հարկում է, որտեղ մուտք չկա. ծակում են, անցքերով ջուր լցնում, ինչը մեծ էֆեկտ չունի, քանի որ ջերմաստիճանը բարձր է։

Էդմոն Զարգարյանը նշեց, որ հրշեջների հագուստն անգամ չի պահում, փորձում են մտնել, սակայն արագ դուրս են գալիս։

«Սառնարանի տարածքում բռնկված հրդեհի պատճառը կպարզաբանվի հետաքննության արդյունքում։ Հիմա մենք զբաղված ենք հրդեհը մարելով, երբ այն ավարտվի՝ պատճառները կքննվեն»,–ասում է Զարգարյանը։

ԱԻՆ Տեղեկատվության և հասարակայնության հետ կապերի վարչության պետը նշեց, որ նախնական վարկածներ չկան։

Հիշեցնենք, որ արդեն երրորդ օրն է, ինչ փրկարարներին չի հաջողվում մարել «Ձյունիկ սառնարան» ընկերությունում բռնկված հրդեհը։ ԱԻՆ-ն այսօր առավոտյան տեղեկացրել է, որ  հրշեջ-փրկարարները դեպքի վայրում շարունակում են հրդեհաշիջման աշխատանքները, բայց դեռևս չի հաջողվում մարել կրակը։

Հրդեհը բռնկվել է սառնարանային շինության 3-5 հարկերում (յուրաքանչյուր հարկը 740 քմ է)։

Երբ պատերը կրակից հալվում են. «Ձյունիկ սառնարան» կոմբինատի հրդեհի մարման կադրերը

Ըստ թեմայի

Փրկարարներից մեկը տուժել է սառնարանի կոմբինատում հրդեհը մարելիս
Վերջը չի երևում. «Ձյունիկ սառնարանում» բռնկված հրդեհը դեռ չի մարվել. Ցոլակյան (տեսանյութ)
Ինչու չեն կարողանում մարել «Ձյունիկ սառնարանի» հրդեհը. պարզաբանում է ԱԻՆ–ը
թեգերը:
Էդմոն Զարգարյան, ՀՀ արտակարգ իրավիճակների նախարարություն (ԱԻՆ), «Ձյունիկ սառնարան», հրդեհ

Գլխավոր թեմաներ