10:49 17 հոկտեմբերի 2019
Ուղիղ եթեր
  • USD476.76
  • GBP608.06
  • EUR526.20
  • RUB7.42
Գուրգեն Եղիազարյան

Եղիազարյան. ««Օրենքով գողերի» դեմ պայքարն առաջին գծում կարելի է ձախողված համարել»

© Sputnik / Asatur Yesayants
ՌԱԴԻՈ
Ստանալ կարճ հղումը
328 0 0

ԱԱԾ տնօրենի նախկին տեղակալ Գուրգեն Եղիազարյանը Sputnik Արմենիայի հետ զրույցում անդրադարձել է այն օրենսդրական նախաձեռնությանը՝ ըստ որի ՀՀ քրեական օրենսգրքում առաջարկվող լրացումներով ՀՀ կառավարությունը փորձում է լուծել «օրենքով գողերին» պատասխանատվության կանչելու հարցը։

«Օրենքով գողերին» պատասխանատվության կանչելու օրենսդրական նախաձեռնությունը  չի կարող քրեական հեղինակությունների աստիճանակարգը վերացնել, չնայած նախկինում մի քանի նման փորձեր արվել են: Այդ մասին Sputnik Արմենիայի հետ զրույցում ասաց ԱԱԾ տնօրենի նախկին տեղակալ Գուրգեն Եղիազարյանը։

«1948 թվականից հետո այդպիսի մի քանի փորձ արվել է, սակայն ոչինչ չի ստացվել: Հիմնական պատճառն այն է, որ հասարակության ներսում ապրող ոստիկանը նախևառաջ պետք է պաշտպանված լինի: Այսօր մեր ոստիկանները օրենքով պաշտպանված չեն, մինչդեռ  քրեական հեղինակություններն իրենց «պաշտպանող օրենքներն ունեն»,- նշեց Եղիազարյանը:  

Նրա համոզմամբ`մեզանում պաշտպանված չեն հատկապես այն ոստիկանները, ովքեր փորձառու են և կարող են «օրենքով գողերի» դեմ պայքարել: 

«Նշված ոստիկաններն արդեն 50-ն անց մարդիկ են ու պետք է թոշակի գնան, մինչդեռ թոշակառու ոստիկաններն հետագայում հասարակության մեջ ապրելու խնդիր ունեն»,- ասաց նա։

Եղիազարյանի խոսքով` հենց այս հանգամանքով պայմանավորված «օրենքով գողերի» դեմ պայքարն առաջին գծում արդեն իսկ կարելի է ձախողված համարել:  

Ըստ թեմայի

Ինչպես են Երևանում սպանել «օրենքով գող» Մասիվցի Անդիկին. սպանության կադրերը
Ոստիկանությունը բերման է ենթարկել «օրենքով գող» «Օշականցի Գևորիկի» եղբորը
Շիրակում ոստիկանության բաժիններ են բերման ենթարկվել 129 անձ, այդ թվում՝ «օրենքով գող»
թեգերը:
օրենքով գող, Ոստիկանություն, Գուրգեն Եղիազարյան, Հայաստան

Գլխավոր թեմաներ