Համազգային մշակութային միության՝ Կիպրոսի թատերախմբի բեմադրիչ Հարություն Թամազյանը Sputnik Արմենիայի հետ զրույցում խոսել է Կիպրոսի հայ համայնքում իրենց թատրոնի գործունեության մասին։
Հարություն Թամազյանը նշում է, որ նախընտրում են այնպիսի ստեղծագործություններ, որ հետաքրքիր լինեն հայ համայնքի համար, և ապա փորձում են ներկայացնել դրանք նոր մեկնաբանությամբ։
Օրինակ, վերջին ներկայացումը, որի վրա աշխատում են՝ Հակոբ Պարոնյանի «Մեծապատիվ Մուրացկաններն» է, որը հոկտեմբերին կներկայացվի կիպրահայ հանդիսատեսին։
Թամազյանը նշում է՝ հերթական անգամ այդ ստեղծագործությունը կարդալիս հետքրքիր զուգադիպություններ է գտել։
«Պարոնյանը 100 տարի առաջ գուշակել էր, որ Ֆեյսբուք սոցիակալան ցանց պիտի լինի կամ Ինստագրամ»,-ասում է Թամազյանը։
Նա նշում է, որ այն, ինչ տեսել է Պարոնյանը 100 տարի առաջ՝ այդ են ներկայացնում, բայց մեր օրերում, և ներկայացման ընթացքում Աբիսողոմ աղայի մասին պատմությունն ընդհատում են և ներկայացնում դրա այժմյան մեկնաբանությունը։
Հարություն Թամազյանը մինչև այժմ իր բեմադրած ներկայացումներից առանձնացնում է Ցեղասպանության 100-ի կապակցությամբ արված՝ Պերճ Զեյթույցյանի «Ոտքի՛, դատարանն է գալիս» դրաման: Ներկայացումը 1921 թվականի մարտի 15-ին հայ ժողովրդի դահիճ Թալեաթ փաշային Բեռլինում գնդակահարած վրիժառու Սողոմոն Թեհլերյանի դատավարության մասին է, որտեղ Թեհլերյանը արդարացվեց։
Ներկայացման համար հատուկ երաժշտություն է գրվել, ընթացքում էկրանին կադրերով ամեն ինչ ցուցադրվել է, իսկ ներկայացումն ավարտվել է քահանայի աղոթքով, որին միացել է նաև հանդիսատեսը։
Եվգենի Պլյուշչենկոն Երևանում կներկայացնի «Ախթամար» ներկայացում-մյուզիքլը սառույցի վրա
Թամազյանը պատմում է, որ ներկայացման տեսագրությունը դիտել է նաև Պերճ Զեյթունցյանը և հիացել։
