11:38 17 սեպտեմբերի 2019
Ուղիղ եթեր
  • USD476.16
  • GBP592.63
  • EUR526.54
  • RUB7.43
Վարդան Ոսկանյան
© Sputnik / Asatur Yesayants

Ոսկանյան. «Հայաստան-Իրան երկաթուղին չափազանց կարևոր նշանակություն ունի նաև Իրանի համար»  

ՌԱԴԻՈ
Ստանալ կարճ հղումը
14420

Իրանական կողմը շահագրգռված է այս նախագծով, որովհետև իրանցիները մշտապես փորձում  են ունենալ այլընտրանքային ուղիներ:

Իրանագետ Վարդան Ոսկանյանը Sputnik Արմենիայի եթերում անդրադարձել է հայ-իրանական հարաբերություններին և նշել, որ Իրանի նախաահի այցը Հայաստան թեև տեղի է ունենալու ԵԱՏՄ համաժողովի շրջանակում, բայց դա չի նշանակում, որ չկան երկկողմ օրակարգային հարցեր, որոնք չեն քննարկվելու: Անշուշտ, անդրադարձ կլինի նաև երկկողմ հարաբերություններին, որոնք բազմազան են:

«Այցի նախօրեին հայկական և իրանական կողմերից նախանշվել են ուղղություններ, մասնավորապես՝ հայկական կողմից առավել մեծ շեշտադրում է կատարվել էներգետիկ հարցերին և հատկապես գազ՝ էլեկտրաէներգիայի դիմաց գործարքի վերաբերյալ, որի առանցքը կազմում է ՀՀ-Իրան երրորդ բարձրավոլտ էլեկտրագծի շինարարության տեմպերի արագացման հարցը»,- նշում է Վարդան Ոսկանյանը:

Իրանագետի փոխանցմամբ՝ օգոստոս-սեպտեմբեր ամիսներին Իրանի փորձագիտական շրջանակներում քննարկման առարկա է դարձել ՀՀ-Իրան երկաթուղին, իսկ Իրանի նախագահի հրավիրած հատուկ նիստի ընթացքում անդրադարձ է եղել ԵԱՏՄ-ի հետ հարաբերությունների համատեքստում երկաթուղային ենթակառուցվածքների ընդլայնմանը: Իրանական կողմը նույնիսկ ցանկանում է առաջարկել այս հարցում եռակողմ՝ ՀՀ-Իրան-Չինաստան ձևաչափ:  

«Նախագիծը բխում է մեր երկրների կենսական շահերից, և եթե գործի վերոհիշյալ ձևաչափը՝ համագործակցությունը կլինի ավելի արդյունավետ, երբ դրանում ներգրավվի նաև Ռուսաստանը՝ հաշվի առնելով այն հանգամանքը, որ հայկական երկաթուղին կառավարվում է ռուսական ընկերության կողմից»,- նշում է Վարդան Ոսկանյանը: 

Իրանագետի կարծիքով՝ Իրանի և Չինաստանի փոխգործակցությունն ավելի լայն շրջանակներ է ընդգրկում, հետևաբար, իրանական կողմը չինացիներին նշված նախագծում ներգրավելու ավելի մեծ լծակներ ունի:

Հայկական կողմն իր հերթին՝ պետք է առավել ակտիվ մասնակցություն ունենա նման ձևաչափերի ստեղծման աշխատանքներում, եթե մենք ցանկանում ենք դուրս գալ ադրբեջանաթուրքական շրջափակումից:

Հայաստանն Իրանի հետ առևտրային դրական հաշվեկշիռ ունի, ավելի լավ, քան հարևանները. դեսպան

Վարդան Ոսկանյանի համոզմամբ՝ իրանական կողմը շահագրգռված է այս նախագծով, որովհետև իրանցիները մշտապես փորձում  են ունենալ այլընտրանքային ուղիներ, ուստի Հայաստան-Իրան երկաթուղին հարևան երկրի համար ունի չափազանց կարևոր այլընտրանքային նշանակություն՝ ելք ապահովելով դեպի սևծովյան տարածաշրջան:

Ըստ թեմայի

Իրան–Հայաստան երկաթուղի. ցանկություն և գումար
Մոսկվայում կքննարկեն Հյուսիս-հարավն ու Հայաստան–Իրան երկաթուղին
«Ռուսական երկաթուղիները» սկսել են մշակել Հայաստան–Իրան երկաթուղու կառուցման հարցը. Միշարին
Կկառուցվի՞, թե՞ ոչ Հայաստան-Իրան երկաթուղին. կառավարության պատասխանը
թեգերը:
էլեկտրաէներգիա, գազ, երկաթուղի, Հայաստան, Վարդան Ոսկանյան, Իրանի Իսլամական Հանրապետություն, իրանագետ

Գլխավոր թեմաներ