18:41 23 սեպտեմբերի 2019
Ուղիղ եթեր
  • USD476.26
  • GBP592.56
  • EUR522.98
  • RUB7.44

Մարգարյան․ «Մինչև առավոտ Հայաստանում 70 հետցնցում է եղել, անհանգստանալու կարիք չկա»

ՌԱԴԻՈ
Ստանալ կարճ հղումը
98220

ԱԻՆ սեյսմիկ պաշտպանության տարածքային ծառայության պետ Սոս Մարգարյանը Sputnik Արմենիայի հետ զրույցում անդրադարձել է Հայաստանում գրանցված երկրաշարժին։

Նախնական տվյալներով` Հայաստանում գրանցված երկրաշարժի հետևանքով ավերածություններ և տուժածներ չկան․ 6-7 բալանոց երկրաշարժն ուժեղ չի համարվում։ Sputnik Արմենիային այս մասին ասաց Սոս Մարգարյանը։

«Տեղի է ունենում օջախային գոտու թուլացում։ Երեկ երեկոյան ասել էինք 30 հետցնցման մասին, մինչև առավոտ էլ 70 հետցնցում է եղել»,– նշեց նա։

Սեյսմիկ պաշտպանության տարածքային ծառայության պետը վստահեցրեց, որ այս գոտու համար բնորոշ են երկրաշարժերը․ անհանգստանալու կարիք չկա, իրավիճակը գտնվում է հսկողության տակ։

Մարգարյանի նշեց, որ իրենց գնահատականներով՝ այս պահին նման մագնիտուդով երկրաշարժի կրկնության հավանականությունը շատ չնչին է։

Հիշեցնենք, որ երեկ երեկոյան 20:22-ին երկրաշարժ է գրանցվել Հայաստան-Վրաստան սահմանային գոտում՝ Բավրա գյուղից 13 կմ հյուսիս-արևելք։ Էպիկենտրոնային գոտում ստորգետնյա ցնցման ուժգնությունը կազմել է 6-7 բալ:

Ըստ նախնական տվյալների՝ երկրաշարժը զգացվել է ՀՀ Շիրակի, Լոռու, Տավուշի, Արագածոտնի, Արմավիրի մարզերում և Երևան քաղաքում:

Ըստ թեմայի

Հայաստանում գրանցված երկրաշարժին մոտ 30 հետցնցում է հաջորդել
Երկրաշարժի օջախի էներգիան պարպվում է. Շիրակի մարզպետ

Գլխավոր թեմաներ