04:42 14 օգոստոսի 2020
Ուղիղ եթեր
  • USD485.17
  • GBP634.70
  • EUR574.15
  • RUB6.60

Պողոսյան․ «Ռեստորանը լավ բան է, բայց իր հետ բերում է բացասական երևույթներ»

ՌԱԴԻՈ
Ստանալ կարճ հղումը
13120

Ճարտարապետ Հրաչյա Պողոսյանը Sputnik Արմենիայի հետ զրույցում անդրադարձել է «Կարեն Դեմիրճյանի անվան մարզահամերգային համալիր»-ում ռեստորան բացելու որոշմանը։

Պողոսյան․ «Ռեստորանը լավ բան է, բայց իր հետ բերում է ուրիշ բացասական երևույթներ»

«Կարեն Դեմիրճյանի անվան մարզահամերգային համալիր» տարածքները վարձակալության են տալիս, քանի որ չեն կարողանում պահել համալիրի  տարածքը։ Այս մասին Sputnik Արմենիայի հետ զրույցում ասաց ճարտարապետ Հրաչյա Պողոսյանը։

Պողոսյանը, որը համալիրի ճարտարապետներից է, նշում է, որ  խոսքը ոսպանման դահլիճի մասին է, որը նախատեսված էր միջոցառումներից , ժողովներից հետո ավելի նեղ կազմով հավաքույթներ անցկացնելու համար։

«Այս դահլիճը ուզում են դարձնել ռեստորան.  Այնտեղից դեպի մայրաքաղաք հիանալի տեսարան է բացվում․ կիսակլոր պատշգամբներից ամբողջ Երևանը երևում է»,- ասաց նա։

Պողոսյանը, ցավով արձանագրում է, որ առաջին հարկում ևս ուզում են ռեստորան բացել։  

«Ռեստորանը լավ բան է, բայց իր հետ բերում է բացասական երևույթներ.  ռեստորանի այցելուները ուրիշ մակարդակի մարդիկ են։ Նրանք ոչ թե մարզահամերգային  համալիր են այցելելու, այլ  ռեստորան»,–նշեց ճարտարապետը։ 

Նրա խոսքով` եթե դա համալիրի մաս կազմեր, բոլորովին այլ կլիներ․ այսինքն՝ մարդիկ համերգից կամ  միջոցառումից հետո  մտնեին ռեստորան՝ ուրիշ կլիներ, իսկ  առանձին մուտքով ռեստորան կառուցելն այլ նպատակի կծառայի, այն պարզապես ռեստորան  է լինելու,  որը ճիշտ չէ։ 

Նշենք, որ կառավարության որոշմամբ «Կարեն Դեմիրճյանի անվան մարզահամերգային համալիր»-ում ռեստորան կբացվի: Այդ նպատակով  1-ին  և 9-րդ հարկերի տարածքները 10 տարի ժամկետով վարձակալության կտրվեն «Հայր և որդի Գերեզմաններ» ՍՊԸ-ին:  Տարածքի ամսական վարձավճարը կազմում է 3 մլն դրամ, որի 20 տոկոսը կուղղվի  համալիրի բյուջե, իսկ 80-ը՝  պետբյուջե: Վարձակալությունից հետո՝ 6 ամսվա ընթացքում, ընկերությունը պետք է կատարի  356 մլն դրամի ներդրումներ, իսկ մեկ տարվա ընթացքում ստեղծի առնվազն 40 աշխատատեղ: 

Ըստ թեմայի

«Բարի գալուստ». ինչպես է Փաշինյանը դիմավորել ԵԱՏՄ երկրների վարչապետներին. տեսանյութ
Կառավարությունը հետ վերցրեց Մարզահամերգային համալիրը
ԶԼՄ. Մարզահամերգային համալիրը վաճառվել է 20 օր առաջ գրանցված ընկերությանը
Մարզահամերգային համալիրը վաճառվել է, նոր սեփականատերը 100 միլիոն դոլարի ներդրում կկատարի
թեգերը:
Հրաչյա Պողոսյան, ճարտարապետ, որոշում, ՀՀ կառավարություն, Ռեստորան, Կարեն Դեմիրճյանի անվան մարզահամերգային համալիր, Հայաստան

Գլխավոր թեմաներ