13:36 17 նոյեմբերի 2019
Ուղիղ եթեր
  • USD477.57
  • GBP614.78
  • EUR526.28
  • RUB7.48
Դավիթ Հարությունյան
© Sputnik / Asatur Yesayants

Հարությունյան. «Հրայր Թովմասյանի գործը զուտ քաղաքական է և իրավունքի հետ որևէ աղերս չունի»

ՌԱԴԻՈ
Ստանալ կարճ հղումը
ՍԴ նախագահ Հրայր Թովմասյանին պաշտոնանկ անելու գործընթացը (42)
18210

ՀՀ արդարադատության նախկին նախարար Դավիթ Հարությունյանը Sputnik Արմենիայի հետ զրույցում անդրադարձել է Հրայր Թովմասյանի` ՍԴ նախագահի լիազորությունները դադարեցնելու հարցին:

ՀՀ արդարադատության նախկին նախարարը նշել է, որ իրավական առումով այն, ինչ ներկայացված է հարցին վերաբերող նախագծում, ոչ միայն ծայրահեղ խոցելի է, այլև անհիմն:

«Կարծում եմ, որ դրա վերաբերյալ ի վերջո իր կարծիքը կարտահայտի ՍԴ-ն: Հարցը եղել է բացարձակապես քաղաքական տիրույթում, և պարզ է, որ նպատակը ոչ թե կապված է կոնկրետ այս դիմումի, այլ գործի հետ, մասնավորապես`300.1 հոդվածի սահմանադրականության հարցի լուծման ժամանակ ապահովել ՍԴ-ի ցանկալի որոշում»,- նշել է Դավիթ Հարությունյանը:

Արդարադատության նախկին նախարարը շեշտում է, որ խոսում են այն մասին, թե դատարանները պետք է լինեն անկախ, սակայն փորձ է արվում ազդել դատարանների կոնֆիգուրացիայի վրա՝ նախընտրած մարդկանց մտցնելով այդ կառույց: Ըստ նրա՝ պարտադիր չէ, որ ազդեցությունը ենթադրի զանգերի առկայություն, կամ որոշումների ընդունման սպառնալիքներ: Ազդեցությունը լինում է նաև այն եղանակով, որ փորձ է արվում ապահովել դատարանի ենթադրյալ գամման:

«Եթե ԱԺ-ն օբյեկտիվ է մոտենում հարցերին, ապա առաջին հերթին պետք է հարց տար՝ ինչու՞ չի դադարեցվում ՍԴ անդամ Վահե Գրիգորյանի լիազորությունները, ով թեև ընտրվել է, սակայն ընդհանրապես չի մասնակցում ՍԴ նիստերին»,- նշել է Դավիթ Հարությունյանը:

Արդարադատության նախկին նախարարի համոզմամբ՝ սա խոսում է այն մասին, որ Հրայր Թովմասյանի հետ կապված ամբողջ գործընթացը զուտ քաղաքական է և իրավունքի հետ որևէ աղերս չունի:     

թեմա:
ՍԴ նախագահ Հրայր Թովմասյանին պաշտոնանկ անելու գործընթացը (42)

Ըստ թեմայի

Հրայր Թովմասյանի պաշտոնանկության նախագիծն Ազգային ժողովը հոկտեմբերից շուտ չի քննարկի
«Իմ քայլի» նախագծով Հրայր Թովմասյանին նույնիսկ նկատողություն չեն կարող անել. Վարդևանյան
Վարդևանյան. «Հրայր Թովմասյանի դեպքում չենք կարող խոսել էական կարգավարական խախտման մասին»
թեգերը:
Դավիթ Հարությունյան, Սահմանադրական դատարան, Հրայր Թովմասյան

Գլխավոր թեմաներ