15:25 09 օգոստոսի 2020
Ուղիղ եթեր
  • USD485.00
  • GBP634.96
  • EUR573.17
  • RUB6.58

Սողոմոնյան. «Հակակոռուպցիոն մարմնի ստեղծման գործընթացն ամբողջությամբ քաղաքականացված է»

ՌԱԴԻՈ
Ստանալ կարճ հղումը
15610

Փորձագետը կարծում է, որ գործընթացն ամբողջությամբ քաղաքականացված է, և այսպիսի պայմաններում դժվար թե կարողանանք խոսել անկախության երաշխիքների մասին ու նաև այն արդյունքների, որ կարող է տալ այդ հանձնաժողովը:

Սյուզաննա Սողոմոնյան. «Հակակոռուպցիոն մարմնի ստեղծման գործընթացն ամբողջությամբ քաղաքականացված է»

«Իրավաբանների հայկական ասոցիացիայի» իրավաբան, հակակոռուպցիոն հարցերի փորձագետ Սյուզաննա Սողոմոնյանը Sputnik Արմենիայի հետ զրույցում անդրադարձել է վարչապետ Նիկոլ Փաշինյանի գլխավորությամբ կառավարությունում տեղի ունեցած խորհրդակցությանը, որի ընթացքում քննարկվել են ՀՀ հակակոռուպցիոն ռազմավարությանը վերաբերող հարցեր և անդրադարձ է եղել Հակակոռուպցիոն կոմիտեի՝ որպես կոռուպցիոն հանցագործությունների քննություն իրականացնող մասնագիտացված մարմնի ստեղծմանը:

Սյուզաննա Սողոմոնյանի կարծիքով՝  հիմնականում իրականացվող բարեփոխումները կարծես թե կենտրոնացվել են ինստիտուցիոնալ համակարգի ստեղծման ուղղությամբ: Հակակոռուպցիոն կոմիտեի հարցում դեռևս միայն ռազմավարության նախագծի մակարդակով են կարգավորումներ նախանշած, որին գնահատական տալը դեռ վաղ է, քանի որ օրենքի նախագիծ չկա: 

«Պետք է հասկանանք, թե ինչ մակարդակի անկախություն է ապահովվելու, ինչպես է նշանակվելու ղեկավար կազմ: Իսկ ինչ վերաբերում է կանխարգելիչ գործողություններին, որի մասով վերջերս ԱԺ-ում երկրորդ ընթերցմամբ ընդունվեց «Կոռուպցիայի կանխարգելման հանձնաժողովի մասին» օրենքի նախագիծը, այստեղ թերևս լուրջ մտահոգություններ կան, որովհետև փոփոխությունների արդյունքում ներկայումս կոռուցիայի կանխարգելման հանձնաժողովը պետք է նշանակի կառավարությունը  և ԲԴՀ-ն, ինչպես նաև երեք խմբակցություններից յուրաքանչյուրն առաջադրելու է իր թեկնածուն»,- նշեց Սողոմոնյանը: 

Փորձագետի կարծիքով՝ գործընթացն ամբողջությամբ քաղաքականացված է, և այսպիսի պայմաններում դժվար թե կարողանանք խոսել անկախության երաշխիքների մասին ու նաև այն արդյունքների, որ կարող է տալ այդ հանձնաժողովը, որովհետև յուրաքանչյուրն այնտեղ որոշումներ կայացնելու գործընթացում կղեկավարվի կուսակցական, գուցե նաև կորպորատիվ շահերով: 

Սյուզաննա Սողոմոնյանի համոզմամբ՝ ԱԱԾ-ն կարևորագույն օղակներից մեկն է, որն ապահովում է ՀՀ անվտանգությունը և այս տեսանկյունից այդ կառույցը բացառապես պետք է զբաղվի ազգային անվտանգության ապահովման հետախուզական աշխատանքներով, բայց ոչ կոռուպցիայի դեմ պայքարով, որովհետև դրա դեմ պետք է պայքարեն մասնագիտացված մարմինները: 

Ուժային կառույցների ղեկավարները տիրապետում են կարևոր տեղեկատվության, հետրաբար փորձագետի համոզմամբ՝ նրանք պաշտոնանկությունից հետո չպետք է հրապարակեն ինֆորմացիան ու անեն քաղաքական բնույթի հայտարարություններ, քանի որ այստեղ խոսքը երկրի անվտանգության մասին է, և ցանկացած տեղեկություն կարող է արտաքին տիրույթում օգտագործվել ի վնաս Հայաստանի: 

Ըստ թեմայի

Կոռուպցիայի դեմ պայքար. ինչ կարևոր պահ է սպրդել Փաշինյանի կառավարության ուշադրությունից
ԵՄ–ն կրկնապատկել է Հայաստանին տրամադրվող ֆինանսական աջակցությունը
Իշխանությունները կողմնորոշվեցին. նոր մարմինը կղեկավարի Սասուն Խաչատրյանը. «Ժողովուրդ»
Կոռուպցիայի կանխարգելման հանձնաժողովը հոկտեմբերին կձևավորվի. ինչ խնդիր կլուծի այն
թեգերը:
նախագիծ, Օրենք, ԱԺ, Նիկոլ Փաշինյան, Հակակոռուպցիոն կոմիտե, քաղաքականություն, Հայաստան

Գլխավոր թեմաներ