Արցախի Հանրապետության ընտրություններում Մասիս Մայիլյանի թեկնածության առաջադրումը հնարավորություն կտա ապահովել մրցակցային ընտրություններ: Այս մասին Sputnik Արմենիայի հետ զրույցում ասաց Թևան Պողոսյանը։
«Նախկինում մեր մեծագույն խնդիրներից մեկն այն էր, որ ընտրություններում կար ֆավորիտ, շատերը չէին գիտակցում ընտրությունների էությունը և ասում էին, եթե կոնկրետ մարդու չընտրեն, ապա ու՞մ պետք է ընտրեն, իսկ հիմա կլինեն մրցակցային ընտրություններ: Ընդ որում՝ նույն օրը կայանալու են և՛ խորհրդարանական, և՛ նախագահական ընտրություններ: Կյանքը ցույց կտա, թե ինչպիսի դասավորումներ կլինեն նախընտրական շրջանում, կամ ով ում կսատարի գալիք ընտրություններում»,- նշեց Պողոսյանը:
Նրա կարծիքով՝ եթե փորձեն ասել, որ Մայիլյանը եղել է ընդդիմադիր պայքարում, թող հիշեն, որ Վիտալի Բալասանյանը նույնպես Բակո Սահակյանի հետ հանդես է եկել ընդդիմադիր դիրքերում:
Ադրբեջանի արձագանքը կանխատեսելի էր. տարակուսանք են առաջացնում Վրաստանը և Ուկրաինան
«Թեկնածուներին նախկին կամ ներկա իշխանության հետ կապելը սխալ է ու պրիմիտիվ և դա ավելի շատ կարելի է բնութագրել որպես հայացք Երևանից, հետևաբար, պետք է նոր որակով վերաբերվել արցախյան ընտրություններին և ուշադրություն դարձնել այն հանգամանքին, թե ինչպիսի ծրագրեր են ներկայացնելու թեկնածուները, ինչ տեսլականներ և ինչ մոտեցումներ են նախանշվելու»,- ասաց Պողոսյանը:
Պողոսյանը կարևորում է նաև այն հանգամանքը, թե ինչպիսի թիմով կամ կաբինետով կներկայանան թեկնածուները և ինչ պաշտոններ կզբաղեցնեն ընտրություններից հետո, ուստի պետք է ոչ թե Երևանից եկող ազդակներով նայել արցախյան ընտրություններին, այլ փորձել օգնել` ինչպես ընտրություններում քաղաքական ծրագրեր պատրաստել, ինչ մոտեցումներ կարելի է ցուցաբերել:
Եվ, անկախ ամեն ինչից, վերջնական որոշումը կայացնելու է արցախցին, համոզված է Թևան Պողոսյանը:
Իշխանությունների միջև անհամաձայնությունները պետք չէ որակել որպես ողբերգություն. Բակո Սահակյան