08:15 09 ապրիլի 2020
Ուղիղ եթեր
  • USD496.58
  • GBP612.23
  • EUR539.43
  • RUB6.56

Մանվելյան․ «Վրացական կողմը խոչընդոտեց մեր աշխատանքը»

ՌԱԴԻՈ
Ստանալ կարճ հղումը
68 0 0

Հայ լրագրողները, որոնց թույլ չեն տվել հատել հայ–վրացական սահմանը, առաջին անգամ չէին Վրաստան մեկնում։ Լրագրող Յուրի Մանվելյանը Sputnik Արմենիայի հետ զրույցում պատմում է հայ-վրացական սահմանը հատելու փորձի ժամանակ վրացական անցակետում ստեղծված խոչընդոտների մասին։

Մանվելյան․ «Վրացական կողմը խոչընդոտեց մեր աշխատանքը»

Epress.am–ի լրագրող Յուրի Մանվելյանը բազմաթիվ անգամ է եղել Վրաստանում և առանց արգելքների հատել հայ-վրացական սահմանը։ Նա այս մասին ասաց Sputnik Արմենիայի եթերում։

«Անցած մեկուկես ամսվա ընթացքում 2-րդ անգամ եմ գնում Վրաստան՝ Բավրա-Նինոծմինդա անցակետով։ Նպատակը նույնն է․ գնում էինք Ախալցխա, Ախալքալաք, Թբիլիսի՝ լրագրողական աշխատանքներ իրականացնելու, հարցազրույցներ անելու»,- նշեց Մանվելյանը։

Նրա խոսքով` վրացական կողմում անցակետում 4 ժամ պահելուց հետո լրագրողներին ասել են, որ տեխնիկան չի կարելի անցկացնել։

«Տեխնիկան պրոֆեսիոնալ չէ, խոսքը տեսախցիկի, 2 միկրոֆոնի և համակարգչի մասին է, նույնիսկ համակարգիչը չթողեցին, ասեցինք, որ մեկուկես ամիս առաջ ենք անցել, ու ոչ մի խնդիր չկար։ Իրենք ոչ մի գրավոր բացատրություն չտվեցին, միայն ասացին, որ իրավիճակ է փոխվել»,– մանրամասնեց Մանվելյանը։

Անցակետի աշխատողն առաջարկել է վերադառնալ հայկական անցակետ, թողնել այնտեղ տեխնիկան ու նոր հատել սահմանը։

Իրանում ռուս լրագրողի անձնագիրը խլել են, հետո նրան ձերբակալել

«Այդպես էլ արեցինք, այս անգամ մի քիչ ավելի ագրեսիվ տոնով ասացին, որ Վրաստան անցնելու համար հավատարմագիր է պետք։ Ի՞նչ հավատարմագրի մասին է խոսքը, և ո՞վ է այն տալիս՝ այդպես էլ չմանրամասնեցին, ուղղակի ասացին, որ դուք չեք մտնելու Վրաստան»,– նշեց լրագրողը։

Մանվելյանը հավաստիացրեց, որ նման դեպք երբեք չի եղել ու Վրաստանի սահմանը անցնելու խնդիր երբեք չի առաջացել։

Ըստ լրագրողի` դա իրավունքների խախտում է, և վրացական կողմն այդպիսով խոչընդոտում է լրագրողների աշխատանքը։

Դժոխային վազվզոց. 260 լրագրող լուսաբանում էին ԵԱՏՄ բարձրագույն խորհրդի նիստը. տեսանյութ

Գլխավոր թեմաներ