11:46 22 նոյեմբերի 2019
Ուղիղ եթեր
  • USD476.69
  • GBP617.03
  • EUR528.46
  • RUB7.47
Ջոնի Մելիքյան
© Sputnik / Aram Nersesyan

Մելիքյան. «Աբխազական երկաթուղին դեռ չի բացվի. Վրաստանում ներքին կոնսենսուս ունեն»

ՌԱԴԻՈ
Ստանալ կարճ հղումը
48 0 0

Վրաստանի հարցերով փորձագետ Ջոնի Մելիքյանը Sputnik Արմենիայի հետ զրույցում անդրադարձել է աբխազական երկաթուղու բացման հնարավորությանը, ինչը կարևոր նշանակություն ունի Հայաստանի տնտեսության համար:

Քանի դեռ չի լուծվել Վրաստանի տարածքային ամբողջականության քաղաքական էլեմենտը, աբխազական երկաթգիծը փակ կմնա: Այս մասին Sputnik Արմենիայի հետ զրույցում ասաց Վրաստանի հարցերով փորձագետ Ջոնի Մելիքյանը։

Ըստ նրա` կան ներքին օրենքներ, որոնցից մեկն էլ օկուպացված տարածքների մասին է, ինչը թույլ չի տալիս թե՛ ներքին տնտեսական որևէ հարաբերություն, թե՛ միջազգային որևէ տարանցում Աբխազիայի և Հարավային Օսեթիայի հետ: Դրանով հարցը փակվում է:

«Մենք խոսում ենք Լարսի այլընտրանքի մասին, առաջին հերթին մենք պետք է Լարսը մաքսիմալ օգտագործենք: Վրաստանն այդ մասով աջակցում է մեզ, երբ ենթակառուցվածքների մասին նախագծեր են իրականացվում, որոնք տալիս են հնարավորություն թունելների միջոցով ավելի ապահով դարձնել ճանապարհը»,- նշեց Մելիքյանը:

Փորձագետի խոսքով` Վրաստանում գտնում են, որ խնդիրն այսօր Ռուսաստանի հատվածում է: Անցակետն այնտեղ նույնիսկ իր հնարավորություններից ավել է աշխատում, բայց, ի վերջո, այնտեղ էլ արդիականացման կարիք կա, որպեսզի ավելանա ավտոմեքենաները սպասարկող կետերի քանակը: 

Աբխազական երկաթուղու բացումը հասունանում է. Ժարիխին

Երկրորդ տարբերակը լաստանավային փոխադրումն է՝ որպես Լարսի այլընտրանք: Փորձագետի կարծիքով՝ եթե լաստանավ և համապատասխան ընկերություն ունենանք, որը կզբաղվի այդ հարցով, ապա տարբեր ընկերություններ բեռներ կտեղափոխեն՝ օգտվելով այդ հնարավորությունից: 

«Օրակարգում պայմանագիրը խզելու հարց չկա». փոխվարչապետը` ՀԿԵ-ի հետ աշխատանքների մասին

Մելիքյանի համոզմամբ՝ զուգահեռաբար օգտագործելով վերոհիշյալ երկու ուղղությունները կարող ենք հասնել արդյունքի: Դրա համար պետք է լուծել իրական հարցերը, որոնց լուծումը կախված է մեզանից, հետևաբար, Վրաստանի կոնֆլիկտային գոտիների մասին խոսելը մեր տիրույթում չէ, դա առնչվում է ռուս-վրացական հարաբերություններին:   

Ըստ թեմայի

Մեր բարեկամությունն ամրապնդել են մեր նախնիները. ՀՀ նախագահն ընդունել է Վրաստանի վարչապետին
Մանվելյան․ «Վրացական կողմը խոչընդոտեց մեր աշխատանքը»
Վրաստանի վարչապետը ժամանեց Երևան. նրան դիմավորեց Փաշինյանը. տեսանյութ
Վրաստանի հետ հարաբերությունների զարգացման ռազմավարական հայեցակարգ ենք ստեղծելու. Փաշինյան
թեգերը:
երկաթուղի, Ջոնի Մելիքյան, Վրաստանի Հանրապետություն, Հայաստան

Գլխավոր թեմաներ