00:50 26 հունվարի 2021
Ուղիղ եթեր
  • USD518.36
  • GBP708.60
  • EUR629.39
  • RUB6.88

Հակոբյան. «Կարծում եմ, որ հոկտեմբերի 27-ի գործը պետք է վերաբացվի»

ՌԱԴԻՈ
Ստանալ կարճ հղումը
«Հոկտեմբերի 27». ահաբեկչություն, դատավարություն (29)
275 0 0

Քաղաքական վերլուծությունների «Ակունք» կենտրոնի հիմնադիր տնօրեն, ԱԺ նախկին 4 գումարումների պատգամավոր Ռուբեն Հակոբյանը Sputnik Արմենիայի հետ զրույցում անդրադարձել է 1999թ.-ի հոկտեմբերի 27-ին իրականացված ոճրագործությանը:

Ռուբեն Հակոբյան. «Կարծում եմ, որ հոկտեմբերի 27-ի գործը պետք է վերաբացվի»

Ռուբեն Հակոբյանի կարծիքով՝ տեղի ունեցածը նախադեպը չունեցող հանցագործություն էր, որը լրջորեն հարվածեց մեր պետությանն ու պետականությանը, և որ այն մեր նոր պետականության ճակատին դաջված խարան է, որը միշտ կմնա: Նա մինչև վերջերս կարծում էր, որ այդ ոճրագործությունն ամբողջությամբ բացահայտված է, սակայն այժմ գտնում է, որ պետք է հոկտեմբերի 27-ի գործը վերաբացվի: Նույնիսկ իշխանական մամուլում է նշվում, որ հանցագործությունն ամբողջությամբ բացահայտված չէ, և շրջանառության մեջ են դրվում տարբեր վարկածներ:

Մի կողմից՝ ժողովրդի որոշ մասի մոտ կա կասկած, որ ինչ-որ բան թաքցվել է: Մյուս կողմից՝ այդ օրը տեղի է ունեցել պետական հեղաշրջման փորձ: Եթե իրավական առումով կա գործը վերաբացելու հնարավորություն, ապա հանցագործությունը պետք է ամբողջությամբ բացահայտել, պետք է բոլոր դետալները մանրազնին, մասնագիտորեն ու թափանցիկ քննարկել, որպեսզի ժողովրդի մեջ որևէ կասկած չմնա:

«Ես վերջինն էի, որ ահաբեկիչների պահանջով հանդիպեցի նախագահ Ռոբերտ Քոչարյանի հետ: Նախագահին փոխանցեցի նրանց մտածմունքները: Նրանք մտավախություն ունեին, որ ուժայինները կարող էին գրոհել խորհրդարանի շենքը, ուստի ասացին, որ եթե Քոչարյանը չգա իրենց հետ հանդիպման, ապա շենքից կենդանի մարդ դուրս չի գա: Ռոբերտ Քոչարյանին ասացի, որ ուշացումը կարող է լինել ճակատագրական, իսկ նա պատասխանեց, որ մտածում են այդ մասին և զգուշացնելու կարիք չկա: Դրանից հետո, անվտանգությունից ելնելով, ինձ թույլ չտվեցին վերադառնալ դահլիճ»,- վերհիշում է Ռուբեն Հակոբյանը:

Նա առանձնահատուկ կերպով ընդգծում է այն հանգամանքը, որ այդուհանդերձ իրենք կարողացան ժամանակ շահել ու մեղմել իրավիճակը՝ խուսափելով նոր սպանություններից, որովհետև ահաբեկիչների սկզբնական ագրեսիվությունը քառասուն րոպե անց արդեն անցել էր, և նրանց և դահլիճի միջև ստեղծվել էր որոշակի կոնտակտ, ինչն էլ թոթափել է լարվածությունը: 

թեմա:
«Հոկտեմբերի 27». ահաբեկչություն, դատավարություն (29)

Ըստ թեմայի

Նաիրի Հունանյանի համար կա մի քանի սցենար. նախարար
«Բազմաթիվ հարցեր ունեմ Նաիրի Հունանյանին». Արման Աբովյան
Բազմիցս եղել եմ Նաիրի Հունանյանի խցի մոտ, բայց երբեք ներս չեմ մտել. Մարուքյան
թեգերը:
Ահաբեկչություն, ահաբեկիչ, Սպանություն, Նաիրի Հունանյան, Կարեն Դեմիրճյան, Վազգեն Սարգսյան, Հոկտեմբերի 27, ԱԺ, Հայաստան

Գլխավոր թեմաներ