21:27 17 նոյեմբերի 2019
Ուղիղ եթեր
  • USD477.57
  • GBP614.78
  • EUR526.28
  • RUB7.48

Էրոյանց. «Ժամանակակից աշխարհում ամեն ինչ փոփոխական է»

ՌԱԴԻՈ
Ստանալ կարճ հղումը
21 0 0

Վրացագետ Ալիկ Էրոյանցը Sputnik Արմենիայի հետ զրույցում անդրադարձել է ՀՀ պաշտպանության նախարար Դավիթ Տոնոյանի Վրաստան կատարած այցին, Բաթումիում մեկնարկած Վրաստանի անվտանգության հարցերով համաժողովին և այդ համատեքստում հայ-վրացական հարաբերություններին:

Հայ-վրացական հարաբերությունները բավականին բարձր` գործընկերային, բարեկամական դիրքերում են, ուստի կողմերը պետք է նաև անվտանգության ոլորտում ինտենսիվորեն համագործակցեն ու ամեն կերպ փորձեն ջանքեր գործադրել, որպեսզի այսօր և հետագայում կարողանան խուսափել որևէ վտանգից ու խնդրից: Այս մասին Sputnik Արմենիայի հետ զրույցում ասաց Ալիկ Էրոյանցը։

Դիտարկելով Վրաստան-Թուրքիա-Ադրբեջան եռակողմ համագործակցությունն անվտանգության ոլորտում՝ Էրոյանցը նշեց, որ այդ եռանկյունին մեզանից ավելի առաջ է անցել, և Վրաստանն անվտանգության ոլորտում սերտորեն համագործակցում է նշված երկու հարևանների հետ, ինչը կարող է որոշ առումով Հայաստանի համար անհանգստացնող լինել։

Թեև Վրաստանի նախաձեռնած համագործակցությունն ավելի շատ առնչվում է ենթակառուցվածքների զարգացմանը. պարզապես Վրաստանը տնտեսական առումով կախված է այդ երկրներից և ժամանակ առ ժամանակ ուղղակի շարժվում է այդ ուղղությամբ:

Փաշինյանը մեսիջ է հղել, հերթը Գախարիայինն է․ ի՞նչ սպասել Վրաստանի վարչապետի այցից

«Մեզ մնում է միայն ավելի խորացնել հարաբերությունները Վրաստանի հետ և կապերը դարձնել ավելի ինտենսիվ: Այդ առումով շատ եմ կարևորում Դավիթ Տոնոյանի աշխատանքային այցը, որովհետև Վրաստանի համար Հայաստանը նույնպես ունի կարևոր նշանակություն»,- նշեց վրացագետը: 

Մեր բարեկամությունն ամրապնդել են մեր նախնիները. ՀՀ նախագահն ընդունել է Վրաստանի վարչապետին

Այն հանգամանքը, որ Հայաստանը ՀԱՊԿ անդամ է, իսկ Վրաստանն ամեն կերպ ձգտում է անդամագրվել ՆԱՏՕ-ին, ըստ վրացագետի՝ չի կարող լուրջ խոչընդոտ լինել: Ամեն ինչ փոփոխական է ներկայիս  աշխարհում: Նույնիսկ նույն դաշինքի մեջ գտնվող ԱՄՆ-ի ու Թուրքիայի միջև մեծ լարվածություն կա: Թեև Վրաստանն ու Հայաստանն այս հարցում որդեգրել են տարբեր ուղղություններ, սակայն անվտանգությունն այն ոլորտն է, որտեղ կողմերը պետք է սերտորեն համագործակցեն, քանի որ դրանից է կախված նաև տնտեսական անվտանգությունը:

Էրոյանցի համոզմամբ՝ համատեղ ջանքերի գնով միայն կարելի է պահպանել տարածաշրջանային հավաքական անվտանգությունը: 

Ըստ թեմայի

Վրաստանի հետ հարաբերությունների զարգացման ռազմավարական հայեցակարգ ենք ստեղծելու. Փաշինյան
Հայաստանի ու Վրաստանի հիմնական շահերը Ջավախքի վերաբերյալ համընկնում են. Փաշինյան
«Բարեկամության կամուրջ» հայ-վրացական սահմանին. ինչն է խանգարում է ծրագրի մեկնարկին
Բավրայի անցակետում անհայտ անձը ձիով խախտել է սահմանը. ձին վերադարձել է առանց հեծյալի
թեգերը:
պաշտոնական այց, Դավիթ Տոնոյան, տարածաշրջան, Վրաստանի Հանրապետություն, Հայաստան

Գլխավոր թեմաներ