06:19 23 նոյեմբերի 2019
Ուղիղ եթեր
  • USD476.95
  • GBP614.03
  • EUR527.60
  • RUB7.49
Անժելա Էլիբեգովա

Էլիբեգովա. «Կոնգրեսի բանաձևի շուրջ Ադրբեջանի արձագանքը շատ թույլ էր»

© Sputnik / Asatur Yesayants
ՌԱԴԻՈ
Ստանալ կարճ հղումը
82 0 0

Ադրբեջանագետը կարծում է, որ Ադրբեջանում Թուրքիայից ազդակ են ստացել, որ անտեսեն ԱՄՆ Կոնգրեսի Ներկայացուցիչների պալատի ընդունած Հայոց ցեղասպանության մասին բանաձևը, իբր` ոչ մի լուրջ բան տեղի չի ունեցել:

ԱՄՆ Կոնգրեսի` Հայոց ցեղասպանությունը ճանաչող բանաձևի ընդունումն ադրբեջանցիները ոչ թե Թուրքիայի, այլ իրենց խնդիրն են համարում, քանի որ միջազգային հարթակներում ցանկացած հայանպաստ գործողություն թշնամաբար են ընկալում: Այս մասին Sputnik Արմենիայի հետ զրույցում ասաց ադրբեջանագետ Անժելա Էլիբեգովան։

«Կարծում եմ` Կոնգրեսի բանաձևի շուրջ արձագանքը շատ թույլ էր, քան կարող էր լինել: Ադրբեջանցիները չափազանց զուսպ էին: Այնպիսի տպավորություն է, որ Թուրքիայից ազդակ էին ստացել, որ անտեսեն, իբր` ոչ մի լուրջ բան տեղի չի ունեցել: Իրենց քարոզչական գիծը հիմնականում դա էր»,- նշեց Էլիբեգովան: 

Ըստ ադրբեջանագետի` հարևան երկրում ավելի շատ կենտրոնացան Մասիս Մայիլյանի` ԱՄՆ կատարած այցի վրա: ԱՄՆ-ի դեսպանին կանչեցին պարզաբանման, նոտա հղեցին, այսինքն՝ ցեղասպանության ճանաչման թեման տեղափոխեցին իրենց համար ավելի ցավոտ հարթություն:

Էլիբեգովայի խոսքով`հետաքրքիր է, որ Ադրբեջանի ընդդիմությունն էլ իշխանություններին հանդիմանեց, թե ինչու՞ ՌԴ-ին էլ նոտա չեն հղել, որովհետև Արցախի արտգործնախարարը այցելել էր նաև Ռուսաստան: Դրանից հետո Ադրբեջանին ԱԳՆ-ն հապճեպ դիվանագիտական նոտա հղեց նաև Ռուսաստանին: 

Ներկայացուցիչների պալատի ձայների ամբողջությունը շատ լուրջ ձեռքբերում է. Սուրեն Սարգսյան 

«Դրանք ուղղակի ստանդարտ գործողություններ են, որ իրականացնում է Ադրբեջանը, սակայն դրանց էֆեկտիվությունը զրո է: Բայց այստեղ ավելի շատ առաջ է մղվում իրենց սև «ցուցակը»: Տարիների ընթացքում Արցախ այցելած հայտնի մարդկանց թվաքանակն այդ ցուցակում ավելացել է, բայց Ադրբեջանն այժմ այդ մարդկանց հետ կապվում է և հորդորում ստանդարտ ձև լրացնել, թե իբր չեն իմացել ընթացակարգի մասին, ներողություն են խնդրում, ապա նրանց հանում «սև ցուցակից»:

Թուրքիայի արտգործնախարարն ամոթալի է անվանել ԱՄՆ ներկայացուցիչների պալատի ընդունած բանաձևը

Ադրբեջանագետը նշում է, որ Ադրբեջանի հոգեբանական ճնշումն, իհարկե, տալիս է որոշակի արդյունք, չնայած` ամեն շաբաթ տեսնում ենք, որ «սև ցուցակից» նորանոր մարդիկ են դուրս գալիս: 

Ըստ թեմայի

Պոմպեոն և Չավուշօղլուն խոսել են Հայոց ցեղասպանության բանաձևից ու Սիրիայից
Սարգսյան. «Թրամփը միակ նախագահն է, որի աշխատակազմը չխոչընդոտեց Ցեղասպանության բանաձևը»
Քարդաշյանի դերը մեծ է Ցեղասպանությունը ճանաչող բանաձևի ընդունման հարցում. թուրքական ԶԼՄ
ԱՄՆ-ն հստակ կարծիք հայտնեց 1 դար առաջ եղած պատմական իրադարձության վերաբերյալ. Գրիգորյան 
թեգերը:
բանաձև, Հայոց ցեղասպանություն, ԱՄՆ Կոնգրես, ԱՄՆ, Թուրքիա, Ադրբեջան, Անժելա Էլիբեգովա, Հայաստան

Գլխավոր թեմաներ