19:09 27 հոկտեմբերի 2020
Ուղիղ եթեր
  • USD493.18
  • GBP642.22
  • EUR582.25
  • RUB6.44

Քրմոյան. «Որքան երեխան փոքր է, այնքան որդեգրման պահանջարկն ավելի մեծ է»

ՌԱԴԻՈ
Ստանալ կարճ հղումը
109 0 0

Իրավաբանական գիտությունների թեկնածու, արդարադատության նախկին փոխնախարար Սուրեն Քրմոյանը Sputnik Արմենիայի հետ զրույցում անդրադարձել է երեխաների որդեգրման մեխանիզմներին։

Սուրեն Քրմոյան. «Որքան երեխան փոքր է, այնքան որդեգրման պահանջարկն ավելի մեծ է»

Եթե երեխան մնացել է առանց ծնողական խնամքի, հնարավորինս վաղ տարիքում նրա որդեգրումը կամ խնամատարությունն ու խնամքն ընտանիքում ապահովելը անհրաժեշտություն է։ Այս մասին Sputnik Արմենիայի հետ զրույցում ասաց իրավաբանական գիտությունների թեկնածու, արդարադատության նախկին փոխնախարար Սուրեն Քրմոյանը։

«Որքան երեխան փոքր է, այնքան որդեգրման պահանջարկն ավելի մեծ է։ Դա նաև օբյեկտիվ է, որովհետև ցանկալի է, որ եթե երեխան մնում է առանց ծնողական խնամքի, հնարավորինս վաղ տարիքում ապահովվի որդեգրումը կամ խնամատարությունն ու խնամքն ընտանիքում, ինչը երաշխավորում է ինտեգրում»,-նշեց նա։

Քրմոյանի խոսքով` այդուհանդերձ, պետք է ծրագրեր մշակել, որ առանց ծնողական խնամքի մնացած, ավելի բարձր տարիքի երեխաների (որոնք գիտակցում են և անձամբ մասնակցում այդ որոշումների կայացմանը) խնամքն ու դաստիարակությունը կազմակերպվի ընտանիքում։

Օտարների դեպքում կապը կտրվում է. ի՞նչ կփոխվի հայ երեխաների որդեգրման գործընթացում

«Որդեգրման համար օրենքով սահմանվել են համապատասխան սահմանափակումներ՝ թե՛ տարիքային, թե՛ մեխանիզմների առումով։ Այդուհանդերձ, շատ կարևոր կանոն է սահմանվել, որը նախկինում չկար, որ պոտենցիալ որդեգրողները պետք է մինչև թույլտվություն ստանալը մասնակցեն համապատասխան կրթական ծրագրի` սովորելու համար, թե ինչպես պետք է աշխատեն որդեգրվող երեխայի հետ»,- ասաց փոխնախարարը։

Ինչո՞ւ են Հայաստանում ծնողները հրաժարվում երեխաներից. սոցապ նախարարության մեկնաբանությունը

Ըստ նրա` այդպիսով կերաշխավորվի տվյալ երեխայի ինտեգրումն ընտանիքում, նաև օրենքին համապատասխան՝ երեխաների իրավունքների պաշտպանությունը։

«Ինչ վերաբերում է սահմանափակումներին, ապա դրանք կապված են առողջական վիճակի, տարիքի, ինչպես նաև որդեգրող ընտանիքի նյութական ապահովվածության հետ»,-ընդգծեց մասնագետը։

Հիշեցնենք, որ ազգային անվտանգության ծառայությունը վերջերս բացահայտել էր որ օտարերկրացիները Հայաստանի քաղաքացի հանդիսացող երեխաներ են որդեգրել` օրենսդրության կոպիտ խախտմամբ։

Ըստ թեմայի

Հայաստանում որդեգրված երեխան իր մասին ճշմարտությունն իմանալու իրավունք կստանա
Երեխաների որդեգրման խնդիրները և ռիսկերը կքննվեն միջգերատեսչական աշխատանքային խմբում
Երեխաները՝ որպես օրգանների դոնոր և ավտոշանտաժ. Փաշինյանի պես շատերի ճնշումը կբարձրանա
Գնել ապագան կամ լաց օրորոցայինից. ինչպես էին Ցեղասպանության տարիներին փրկում հայ որբերին
թեգերը:
որդեգրում, երեխա, Սուրեն Քրմոյան, Հայաստան

Գլխավոր թեմաներ