16:37 02 ապրիլի 2020
Ուղիղ եթեր
  • USD504.50
  • GBP628.41
  • EUR551.62
  • RUB6.43

Խաժակյան. «Պետք է պարզել՝ ինչ ընթացակարգով են շրջանցել ավագանու որոշումը»

ՌԱԴԻՈ
Ստանալ կարճ հղումը
78 0 0

Երևանի ավագանու «Լույս» խմբակցության ղեկավար Դավիթ Խաժակյանը Sputnik Արմենիայի հետ զրույցում անդրադարձել է Երևանի քաղաքապետարանին նվեր տված «ԿԱՄԱԶ» մեքենաների թեմային ու քաղաքապետարանի պատասխանին:

Խաժակյան. «Պետք է պարզել՝ ինչ ընթացակարգով են շրջանցել ավագանու որոշումը»

Դավիթ Խաժակյանի կարծիքով՝ քաղաքապետ Հայկ Մարությանի տեսանկյունից անընդունելի էր, որ նա այս կարևոր պահին անձամբ պարզաբանումներ չտվեց, այլ այդ պարտականությունը թողեց խոսնակի` Հակոբ Կարապետյանի վրա, իսկ վերջինս փորձում էր ակնհայտը հերքել՝ ասելով, որ տեղյակ չէ, թե ում է պատկանում «Ալեքս հոլդինգ» կազմակերպությունը:

«Այստեղ կրկին գործ ունենք իրենց ազնվության պակասի հետ, որովհետև հատկապես պարոն Կարապետյանը, որն ունի լրագրողական աշխատանքի երկարամյա փորձ, չէր կարող չիմանալ, թե ում է պատկանում «Ալեքս հոլդինգը»: Այն պատկանում է Սամվել Ալեքսանյանին, որի հետ առնչությունը և՛ քաղաքապետը, և՛ նրա խոսնակը համառորեն հերքում էին՝ ոչ միայն ասելով, որ անձամբ նա չէ նվիրել, այլև ասում էին, որ նրա հետ փոխկապակցված անձ կամ կազմակերպություն նվիրատուների շարքում չկա: Կարծում եմ, որ կա, և հասարակության համար արդեն ամեն ինչ պարզ է»,- ասում է Խաժակյանը:

Երևանի ավագանու «Լույս» խմբակցության անդամի տեղեկացմամբ՝ մինչ այդ նույնիսկ ամենափոքր նվիրատվություններն ընդունվել են ավագանու որոշմամբ, և այդ է պահանջում նաև օրենքը:

«Ես հիմա փորձում եմ հասկանալ, թե ինչպե՞ս են դա իրականացրել, ու՞մ հաշվեկշռի վրա է այն դրված՝ հիմնարկի՞, թե՞ քաղաքապետարանի: Կասկածներ ունեմ, որ ընդունումը տեղի է ունեցել օրենքի շրջանցումով: Հատկապես որ դա եղել է այն ժամանակահատվածում, երբ դեռևս որևէ մեկը չգիտեր դրա մասին»,- ասում է Խաժակյանը:

Նրա համոզմամբ՝ եթե հարցը բերվեր ավագանու օրակարգ, ապա ակնհայտ կլիներ, որ խնդիր կա: Բոլոր այն մեքենաները, որոնք քաղաքապետարանը ձեռք է բերել, հանդիսանում են համայնքային սեփականություն և ամրակցված են համայնքային հիմնարկին: Այդ մեքենաների սեփականության կարգավիճակը Խաժակյանի համար դեռ պարզ չէ, հետևաբար, ըստ նրա, պետք է պարզաբանել, թե ինչ ընթացակարգով են շրջանցել ավագանու որոշումը:

Մեզնից տարիներ կպահանջվի գլոբալ խնդիրներին վերջնական լուծում տալու համար. Հայկ Մարության

Ավելի վաղ Խաժակյանը հայտնել էր, որ գործող իշխանությունը խոշոր գործարար Սամվել Ալեքսանյանին այլևս չի ընդունում որպես նախկին «հանրապետական գործարարի», ուստի ավելի քան հստակ է, որ հենց Ալեքսանյանն է քաղաքին նվիրաբերել երկու տասնյակ «ԿԱՄԱԶ»-ները: Դրան հաջորդել էր Կարապետյանի հերքումը` քաղաքապետարանը Սամվել Ալեքսանյանից առհասարակ նվեր չի ստացել։

 

Այսօր Հակոբ Կարապետյանը հրապարակել է քաղաքապետարանին տրված նվիրատվությունների ցանկը, ըստ որի` «Ալեքս ընդ հոլդինգ» ՍՊԸ–ն 3 «ԿամԱԶ» է նվիրել քաղաքապետարանին։ Բացի «Ալեքս ընդ հոլդինգ» ՍՊԸ–ից, քաղաքապետարանին նվիրաբերություններ են կատարել Սարգիս Խուրշուդյանը և Հայրապետ Հովհաննիսյանը` նվիրելով 3 հատ ֆուրգոն, «Ն և Ս Քոնսթրաքշն ՍՊԸ–ն` 14 «ԿամԱԶ» , ՀՀ–ում Չինաստանի Ժողովրդական Հանրապետության դեսպանությունը` 1 «ԿամԱԶ», «Էյչ բի Էմ գրուպը»` 1 «ԿամԱԶ»։

Սամվել Ալեքսանյանից նվեր ընդունելու մեջ պախարակելի բան չկա. Հայկ Մարությանի մամուլի խոսնակ

Ըստ թեմայի

Նոր վերելակներ` հին շենքերում. քանի շենք կարժանանա այդ բախտին
Աբովյան 10–ն ընդգրկվա՞ծ է հուշարձանների պահպանման ցանկում. ինչ գիտենք հրդեհված շենքի մասին
Սուրբծննդյան տոնավաճառը կգործի, բայց ոչ Հյուսիսային պողոտայում. ինչ փոփոխություն է եղել
թեգերը:
ավտոմեքենա, Դավիթ Խաժակյան, Երևանի քաղաքապետարան, Հայաստան

Գլխավոր թեմաներ