06:35 14 դեկտեմբերի 2019
Ուղիղ եթեր
  • USD477.51
  • GBP640.53
  • EUR533.90
  • RUB7.66
Ատոմ Մարգարյան
© Sputnik / Aram Nersesyan

Մարգարյան. «Գնաճը Հայաստանում արդեն մոդա է դարձել»

ՌԱԴԻՈ
Ստանալ կարճ հղումը
39 0 0

Տնտեսագետ Ատոմ Մարգարյանը Sputnik Արմենիայի հետ զրույցում անդրադարձել է վարչապետ Նիկոլ Փաշինյանի ներկայացրած վիճակագրությանը։

Գնաճը Հայաստանում վերջին երկու տարիներին արդեն մոդա է դարձել և շատ ցածր մակարդակի վրա է, եթե խոսում ենք ընդհանուր գնաճից: Այդ խնդիրը կախված է ընդհանուր ծախսային քաղաքականության հետ: Sputnik Արմենիայի եթերում այս մասին ասաց տնտեսագետ Ատոմ Մարգարյանը։

Նոյեմբերի 30-ին ՀՀ վարչապետ Նիկոլ Փաշինյանը Facebook գրել էր, որ ՄԱԿ-ի սննդամթերքի համաշխարհային կազմակերպության զեկույցի համաձայն՝ 2019 թվականի հոկտեմբերին անցած տարվա հոկտեմբերի համեմատ սննդամթերքի համաշխարհային գները աճել են 6 տոկոսով, իսկ Հայաստանում 2019-ի հոկտեմբերին անցած տարվա նույն ժամանակահատվածի համեմատ սննդամթերքը թանկացել է 0.1 տոկոսով:

«Ինչ վերաբերվում է գյուղատնտեսության ոլորտին, այդտեղ միտումները վերջին տարիների կտրվածքով խիստ անբարենպաստ են: Սակայն այս տարի բնակլիմայական պայմանները համեմատաբար լավ էին գյուղատնտեսական արտադրության առումով տարին բարենպաստ էր, և առաջարկի հետ կապված շոկեր չեն եղել: Դրան գումարած` եղել են նաև ներմուծման բավականաչափ մեծ ծավալներ: Կարևոր դեր է խաղացել նաև այն հանգամանքը, որ լոլիկի և կարտոֆիլի մեծ քանակությամբ ներմուծումներ են եղել նաև երրորդ երկրներից»,- նշում է Մարգարյանը:

Տնտեսագետի դիտարկմամբ՝ սովորաբար գները նախևառաջ ընդհանուր առմամբ արձագանքում են առաջարկին, և այդտեղ գնաճի մասին խոսելն ու այդպիսի զամբյուղներ համեմատելը տեղին չէ, որովհետև պարենային մթերքների զամբյուղ ասվածը լայն հասկացություն է, իսկ մեզանում բավականաչափ փոքր թվով մթերքներ են ընդգրկված այդ զամբյուղում, ու դրանով է հաշվարկվում պարենային զամբյուղի այդ հատվածը: Ուստի հատվածական համեմատությունները միակողմանի են ստացվում:

«Մի կողմից սպառողի համար ցածր գները լավ են, սակայն վաճառողի տեսանկյունից դա ամենևին էլ բարենպաստ ազդակ չէ: Ագրարային սեկտորի արտադրողի համար այն, որ գները չեն աճում, և կարող է ըստ էության պրոբլեմներ լինել հասույթի, եկամուտների, վարկերի մարման հետ կապված, հենց խոսում է այն մասին, որ վիճակը բարենպաստ չէ, և գյուղատնտեսական սեկտորը չի վերականգնել իր երեք-չորս տարի առաջ ունեցած ծավալները»,- նշում է Մարգարյանը:

Տնտեսագետի կարծիքով՝ այս հարցում մեդալը երկու երես ունի, և պետք է երկու երեսն էլ համեմատել՝ խնդրին նայելով ոչ միայն գնորդ-սպառողի, այլ նաև արտադրող-վաճառողի տեսանկյունից:

Ըստ թեմայի

«ՀՀ-ում չկա կտրուկ փոփոխություններ արձանագրելու ռեսուրս». Արմեն Քթոյան
Հայաստանում տնտեսական մենաշնորհներ չկան, կոռուպցիա չկա և չի կարող լինել. Խաչատրյան
Հայաստանը ճիշտ է վարվել` պաշտպանելով իր շուկան. ԵԱՏՄ ցեմենտ արտադրողների միության ղեկավար
Ծիրանը կշատանա, գյուղացին լավ կապրի. Հայաստանում նոր տեխնոլոգիա են փորձարկում
թեգերը:
Ատոմ Մարգարյան, գնաճ, Հայաստան

Գլխավոր թեմաներ