18:00 25 հունվարի 2020
Ուղիղ եթեր
  • USD478.87
  • GBP626.79
  • EUR528.43
  • RUB7.75

Հակոբյան. «Աջակողմյան ղեկով մեքենա արտադրողները կարող են դատի տալ ՀՀ կառավարությանը»

ՌԱԴԻՈ
Ստանալ կարճ հղումը
401 0 0

Ավտոփորձագետ Արման Հակոբյանը Sputnik Արմենիայի հետ զրույցում անդրադարձել է ՀՀ կառավարության որոշմանը, ըստ որի՝ թույլատրվում է աջակողմյան ղեկով ավտոմեքենաներ ներկրել Հայաստան, բայց այն պայմանով, որ հնարավորություն ստեղծվի ավտոմեքենաների ղեկը աջից ձախ տեղափոխել։

Աջակողմյան ղեկով ավտոմեքենաների ներկրման թույլտվությունը ողջունելի է, որովհետև Վրաստանի նավահանգիստներում հսկայական թվով մեքենաներ կուտակվել են: Բացի դրանից, շատերը չեն հասցնում ղեկը փոխել Վրաստանում, քանի որ այնտեղ էլ հերթեր են և մեծ կուտակումներ: Այս մասին Sputnik Արմենիայի հետ զրույցում ասաց ավտոփորձագետ Արման Հակոբյանը։

Կառավարությունն այսօրվա նիստում հաստատեց մի որոշում, որով թույլատրվում է աջակողմյան ղեկային համակարգ ունեցող մեքենաները ներկրել Հայաստան, այնուհետև ղեկը փոխել ձախային համակարգով, ՀՀ օրենքով սահմանված կարգով մաքսազերծելուց հետո դրանք հաշվառել ՀՀ-ում ու շահագործել: Նշվեց, որ դա արվում է մի նպատակով, որպեսզի քաղաքացիները մեծ գումարներ չծախսեն և ավտոմեքենաների ղեկը աջ կողմից ձախ տեղափոխեն ոչ թե Վրաստանում, այլ Հայաստանում։ Նիստի ընթացքում որոշվեց այդ մեքենաների ներմուծումն առայժմ թույլատրել, բայց հետագայում նորից անդրադառնալ այս խնդրին:

Հակոբյանին տարակուսանք է պատճառում այն հանգամանքը, որ ներկրման թույլտվությունը ժամանակավոր բնույթ է կրում: 

«Այդուհանդերձ չմոռանանք, որ ղեկը փոխած մեքենան ավելի վտանգավոր է երթևեկության համար: Եվ ընդհանրապես աջակողմյան ղեկով մեքենա արտադրող ընկերությունները կարող են խտրականության համար ՀՀ կառավարությանը դատի տալ ու դատը շահել: Առհասարակ ղեկը փոխելու դեպքում անվտանգության բարձիկներն ու արգելակման համակարգը կարող են խափանվել ու չաշխատել: Մեզ մոտ շատ վթարներ եղել են հենց ղեկը փոխելու պատճառով»,- նշեց ավտոփորձագետը: 

Խնդրի հանգուցալուծման առումով Արման Հակոբյանը բերեց Վրաստանի օրինակը, որտեղ աջակողմյան ղեկով մեքենաների մաքսազերծումն ու փոխումն անհամեմատ ավելի թանկ են, ուստի մարդկանց համար ձեռնտու է գնել ձախակողմյան ղեկով մեքենաներ, առավել ևս, որ Վրաստանում նույնպես գործում է ձախակողմյան երթևեկություն: Եթե այս փորձը կիրառվի նաև Հայաստանում, ապա կշահեն բոլորը, և բյուջեն ևս կհարստանա: 

Ըստ թեմայի

Փաշինյանը հարցը կլուծի՞. ավտոներկրողներն իրենց բողոքը ներկայացրին ՊԵԿ փոխնախագահին
«Գյումրու մաքսատունն արդյունավետ չի աշխատում». ներկրողները բողոքի ակցիա անցկացրին Երևանում
Ինչ հավանեն՝ «կթռցնեն». ի՞նչ անակնկալներ են սպասում դրսից մեքենա պատվիրողներին
Հողերը կան, փողերը` ոչ. նախկին պաշտոնյաները շարունակում են չվճարել պետական հողերի դիմաց
թեգերը:
որոշում, ՀՀ կառավարություն, ավտոմեքենա, Հայաստան

Գլխավոր թեմաներ