02:10 17 փետրվարի 2020
Ուղիղ եթեր
  • USD479.05
  • GBP624.39
  • EUR519.53
  • RUB7.54

Մարգարյան. «Նման վարկային ծրագրերն ավելացնում են երկրի արտաքին պարտքի բեռը»

ՌԱԴԻՈ
Ստանալ կարճ հղումը
42 0 0

Տնտեսագետ Ատոմ Մարգարյանը Sputnik Արմենիայի հետ զրույցում անդրադարձել է ԱԺ վավերացրած համաձայնագրերին, որոնց համաձայն՝ Հայաստանը միջազգային երեք բանկերից 131․5 մլն եվրո գումարի չափով վարկ է վերցրել:

Եթե նախկինում վերցրած միջազգային վարկերի միջին տոկոսը 2.5 էր, ապա նոր համաձայնագրերով` այն ընդամենը 1.6 տոկոս է կազմում: Այս մասին Sputnik Արմենիայի հետ զրույցում ասաց տնտեսագետ Ատոմ Մարգարյանը։

Վարկերը նախատեսված են բյուջետային աջակցության համար: Նշենք, որ ԱԺ-ն հրավիրած արտահերթ նիստում վավերացրեց  վարկային համաձայնագրերը, այլապես 2019թ–ի բյուջեի կատարողականը վտանգված էր։

Մարգարյանի կարծիքով՝ եթե հաշվի առնենք չծախսված գումարները (խոսքը 300 մլրդ դրամի դեպոզիտների, այսինքն՝ ծրագրային այն միջոցների մասին է, որոնք ներգրավվել էին «Հյուսիս-Հարավի» կապիտալ շինարարության ծրագրերի համար), ապա դրանց թերակատարման ֆոնին այսպիսի վարկային միջոցներ ձեռք բերելը կարող է հարցեր հարուցել: 

«Պետք է տարբերել երկու բան. առաջին՝ եթե նայենք, թե անցնող տարվա ընթացքում ինչ արեց կառավարությունը 500 մլն դոլար եվրոբոնդերի՝ արտարժույթային պարտատոմսերի նոր խմբաքանակը տեղաբաշխելու և փաստորեն 2020 թվականին լրացող ճեղքը փակելու համար, երբ որ պետք է մարվեր 7 տարվա ժամկետով պարտատոմսերի ամբողջ խմբաքանակը, ապա նշանակում է, որ այս պահին հարմար է վերահիշյալ վարկային գործարքը, բայց մյուս կողմից բյուջետային աջակցության վարկը փաստորեն հասցեական լինելով հանդերձ՝ կառուցվածքային, այսինքն՝ նպատակային վարկ չէ և չի ծախսվելու այնպիսի ծրագրերի վրա, որոնք ուղղվում են ենթադրենք ենթակառուցվածքների արդիականացմանը»,- նշեց Մարգարյանը: 

Կառավարությունն ԱԺ արտահերթ նիստ է հրավիրում բյուջեի ճեղքը փակելու համար

Տնտեսագետի դիտարկմամբ՝ սրանք այսպես կոչված վերականգնողական բարեփոխումների «սթենդ-բայ» տիպի վարկեր են, որոնք բնորոշ են1990-ական թվականների սկզբներին, երբ պետական բյուջեի դեֆիցիտի շատ մեծ ծավալն ու վալյուտային միջոցների պակասը ստիպում էին գնալ միջազգային դոնորների հետ այդպիսի վարկային ծրագրերի: 

Հայաստանը խոշոր վարկ է վերցնո՞ւմ. ֆինանսների նախարարության մեկնաբանությունը

Նշված միջոցները, Ատոմ Մարգարյանի համոզմամբ, հարաբերականորեն են ցածր իրենց տոկոսադրույքներով և սպասարկման տեսանկյունից որոշ չափով իրենցից ծանրություն են ներկայացնում, և նման վարկային ծրագրերը որոշակի պարտադրանքի տարր են պարունակում՝ ավելացնելով երկրի արտաքին պարտքի բեռը:

Ըստ թեմայի

Պետությունը հիփոթեքային 3 նոր ծրագիր կիրականացնի 2020թ–ից. Սմբատ Սաիյան
Հայկական ատոմակայանը կարող է աշխատել մինչև 2036 թվականը. նախարար
Փաշինյանի հայտարարած հիփոթեքային ծրագիրը դեռ չկա, բայց անուն արդեն ունի
Գյուղատնտեսության ոլորտի մասնագետներին կառավարությունը համառորեն չի լսում. Սեդրակյան
թեգերը:
ԱԺ, տնտեսագետ, համաձայնագիր, Ատոմ Մարգարյան, Հայաստան

Գլխավոր թեմաներ