10:45 17 փետրվարի 2020
Ուղիղ եթեր
  • USD479.05
  • GBP624.39
  • EUR519.53
  • RUB7.54

Ավետիսյան. «Եթե կառավարությունում հետ կանգնեն հանքը շահագործելու մտքից, բնակիչները կշահեն»

ՌԱԴԻՈ
Ստանալ կարճ հղումը
167 0 0

Հանրային կառավարման փորձագետ Հովհաննես Ավետիսյանը Sputnik Արմենիայի հետ զրույցում անդրադարձել է «Լիդիան» ընկերության` կանադական դատարան դիմելու հանգամանքին:

«Լիդիանը» դիմել է դատարան, քանի որ տարածված տեղեկությունների համաձայն՝ պարտատերերի հետ այդ պահին հնարավոր չի եղել կամ չի ստացվել պայմանավորվածություն ձեռք բերել ևս մեկ անգամ հետաձգելու պարտավորությունների սպասարկման ժամանակահատվածը: Այս մասին Sputnik Արմենիայի հետ զրույցում ասաց հանրային կառավարման փորձագետ Հովհաննես Ավետիսյանը։

«Առաջ քաշած թեզի համաձայն՝ «Լիդիանում» կարծում են, որ դեպի Ամուլսար տանող ճանապարհների շրջափակումն ապօրինի է, մյուս կողմից էլ տեղաբնակները հանրագիր են ներկայացրել և չեն ցանկանում, որ այդ տարածքում հանք լինի: Սա կարելի է համարել իրավական վեճ, որում «Լիդիանը» իր դիրքերն է ներկայացնում, իսկ քաղաքացիներն իրենց շահերն են պաշտպանում՝ առաջ տանելով իրենց պահանջներն ու իրավունքները»,-նշեց փորձագետը: 

Օրերս «Լիդիան Ինթերնեյշնլը» հայտարարություն էր տարածել, որում հայտնել էր, որ դիմել է կանադական դատարան և աշխատելու է Ամուլսարի ծրագրի հնարավոր վաճառքի ուղղությամբ։

«2018թ․ հունիսից ճանապարհների ապօրինի շրջափակման հետևանքով «Լիդիանը» զրկված է Ամուլսարի ծրագրի տարածք մուտք գործելու հնարավորությունից։ Չնայած Ամուլսարի ծրագրի իրականացմանը խոչընդոտող իրավական հիմքերի բացակայության մասին բազմիցս հնչած հայտարարություններին, ՀՀ կառավարությունը չի վերացրել ճանապարհների ապօրինի շրջափակումը, ինչի արդյունքում «Լիդիանի» վարկատուները հրաժարվել են երկարաձգել նախկինում հայտարարված Հարկադիր միջոցների չկիրառման պայմանագրի ժամկետը, որն ավարտվել է 2019թ. դեկտեմբերի 20-ին»,-նշված է ընկերության տարածած հայտարարության մեջ։

Ամուլսարի քրգործով նոր տվյալներ են ի հայտ եկել. Արսեն Այվազյան

Ավետիսյանի տեղեկացմամբ՝ միջազգային պրակտիկայում եղել են նախադեպեր, երբ տեղացիների շահերին տրվել է իրավական ձևակերպում ու դրանք ներկայացվել են դատական վեճերում, ինչը լուրջ կշիռ ունեցող հիմք է՝ ի օգուտ բնակիչների պահանջի որոշումներ կայացնելու համար, հետևաբար,  այս դեպքում բնակիչների հակընդդեմ հայցը նույնպես հնարավոր տարբերակ է, եթե դրանով լրջորեն զբաղվեն, և ՀՀ կառավարությունը որոշի գնալ այդ ճանապարհով, հետ կանգնի հանքը շահագործելու մտքից ու սկսի սպասարկել բնակիչների շահերը: 

«Այս պահին Ամուլսարի շահագործումն արգելելու դե յուրե հիմք չկա». Փաշինյան

Ըստ փորձագետի՝ եթե նույնիսկ բորսայում դադարեն սակարկությունները, արտաշուկայական ճանապարհով հնարավոր է բաժնետոմսերի առքուվաճառք իրականացնել: Եթե մի նոր ընկերություն փորձի գնել փաթեթը, ապա տեղի կունենա վերագնահատում և այդ պահին պայմանավորված գնով նոր ձեռք բերողը հնարավոր է գնի, որովհետև հանքարդյունաբերական թույլտվությունները երկարաժամկետ են, միայն թե ընկերությունը սնանկ չճանաչվի, այդ ամենի վրա կալանք չդրվի ու պարտատերերը ակտիվների վրա պահանջներ չներկայացնեն:   

 

Ըստ թեմայի

Փաշինյանը որոշել է պարզել Ամուլսարի մասին ճշմարտությունը
«Մենք հետքայլ անողը չենք». ջերմուկցիները կբանակցեն միայն Ամուլսարի փակման համար
Ջերմուկի բնակիչներն ավտոերթով գալիս են միանալու Երևանում նախատեսվող քայլերթին
Փաշինյանը հայտարարեց Ամուլսարի շահագործման մեկնարկի հնարավոր ժամկետները
թեգերը:
հանք, Դատարան, Լիդիան

Գլխավոր թեմաներ