10:44 17 փետրվարի 2020
Ուղիղ եթեր
  • USD479.05
  • GBP624.39
  • EUR519.53
  • RUB7.54

Ավետիսյան. «Փաշինյանի կառավարությունը միջնաժամկետ և կարճաժամկետ թիրախներ չի դրել»

ՌԱԴԻՈ
Ստանալ կարճ հղումը
34 0 0

Տնտեսագետ Թադևոս Ավետիսյանը Sputnik Արմենիայի եթերում անդրադարձել է վարչապետ Նիկոլ Փաշինյանի Facebook-ի գրառմանը, ըստ որի՝ 2019 թ-ի արդյունքներով՝ մեկ շնչին ընկնող ՀՆԱ-ի ցուցանիշով գերազանցել ենք Վրաստանին, իսկ 2020 թվականի արդյունքներով` առաջ կանցնենք նաև Ադրբեջանից:

7.1 տոկոս տնտեսական ակտիվության ցուցանիշն առաջին հայացքից ինքնին դրական է, ու եթե համեմատության մեջ վերցնենք համաշխարհային տնտեսության ցուցանիշները, ապա տարածաշրջանի երկրների համեմատ այստեղ ևս ունենք դրական արձանագրում: Այս մասին Sputnik Արմենիայի հետ զրույցում ասաց տնտեսագետ Թադևոս Ավետիսյանը։

«Բայց եթե ցուցանիշները դիտարկենք ամբողջության մեջ, ապա 2018 թվականի առաջին չորս ամիսներին մենք ունեինք տնտեսական ավելի մեծ ներուժ, որովհետև տնտեսական ակտիվության ցուցանիշը մոտեցել էր 9.5 տոկոսին: Իշխանափոխությունից հետո ակտիվությունը նվազեց, և տարին փակեցինք 5.9 տոկոսով»,- նշեց տնտեսագետը: 

Արժույթի միջազգային հիմնադրամը պաշտոնապես հաստատել է գնահատականը, որի համաձայն՝ 2019 թվականի արդյունքներով Հայաստանն առաջ է անցել Վրաստանից, իսկ 2020 թվականին առաջ կանցնի նաև Ադրբեջանից՝ դառնալով Հարավային Կովկասի առաջատար երկիրը։

Թադևոս Ավետիսյանի գնահատմամբ՝ ներկայումս ունենք խնդիր, որը կապված է բազայի հետ, այսինքն` ի՞նչ տնտեսական ներուժի նկատմամբ է հիշյալ աճն ապահովել: Այստեղ կարևոր է նաև տնտեսական աճի կառուցվածքային բաղադրիչը: 

Փաշինյանի գրառման հետքերով. ինչու չի խոսվում շահումով խաղերի ու առևտրի մասին

«Շարունակում է մտահոգիչ մնալ այն, որ տնտեսական աճ արձանագրած հիմնական ոլորտը շահումով խաղերի, ծառայությունների ոլորտն է, որը տեսակարար կշռի տեսանկյունից մեծ ծավալ է գրավում»,- ասաց տնտեսագետը:

Հայաստանում հաստատված են անհնարինն իրականություն դարձնելու ժամանակներ. Փաշինյանի ուղերձը

Ավետիսյանի կարծիքով՝ եթե նայենք ցուցանիշների թիրախներին, ապա գործող կառավարությունն, ըստ էության, միջնաժամկետ և կարճաժամկետ թիրախներ չի դրել՝ իր ուսերից թոթափելով դրան համապատասխան պարտավորությունները: Վարչապետը նշել է երկարաժամկետ թիրախի մասին, մինչև 2050 թվականը տասնհինգապատկել է ՀՆԱ-ն, ինչը նշանակում է, որ մենք պետք է ամեն տարի առնվազն 9.5 տոկոս տնտեսական աճ ապահովենք: Այդուհանդերձ ներուժի առումով, ըստ տնտեսագետի, դեռ չենք հասել այն ցուցանիշին, որն արձանագրվել է 2018 թ.-ի առաջին չորս ամիսներին:

Ըստ թեմայի

Դաս հայ գործարարներին․ ինչպես է «Թոմասյան» ծխախոտը նվաճել Եվրոպան
Հնարավոր է` Հայաստանում շաքարավազը թանկանա
«Հիշո՞ւմ եք, որ ԱԺ ամբիոնից հայտարարեցի...». Փաշինյանի կանխատեսումն իրական է դարձել
Աշխարհն արագ է փոխվում. ինչ պետք է անի Հայաստանը հետ չմնալու համար
թեգերը:
տնտեսություն, Վրաստանի Հանրապետություն, Ադրբեջան, Նիկոլ Փաշինյան, ՀՆԱ (համախառը ներքին արդյունք), տնտեսագետ, Թադևոս Ավետիսյան

Գլխավոր թեմաներ