Իրաքում ամերիկյան ռազմաբազաները հրթիռակոծելուց հետո իրանական կողմը հանդես է եկել հայտարարությամբ և ասել, որ դա ընդամենը մի ապտակ էր, այլ ոչ թե Իրանի ամբողջ ուժի ցուցադրում: Իրանի նախագահ Հասան Ռոհանին նշել է, որ իրենց վերջնական նպատակներից մեկը լինելու է ամերիկյան զինուժի դուրսբերումը տարածաշրջանից, իսկ ԱԳ նախարար Զարիֆն իր հերթին հայտարարել է, որ իրանական կողմի գործողությունը կատարվել է ՄԱԿ-ի օրենքների շրջանակներում:
Գարիկ Միսակյանն անդրադարձել է Իրանի պաշտոնական հայտարարությանը, ըստ որի՝ այլևս իրեն պարտավորված չի համարում լիովին հավատարիմ մնալ Գործողությունների համատեղ համապարփակ ծրագրին՝ 2015-ին համաշխարհային տերությունների հետ կնքված գործարքին, ինչը նշանակում է, որ այժմ Թեհրանը չի հետևելու ուրանի հարստացման ցենտրիֆուգների թվին վերաբերող որևէ սահմանափակման, իսկ ուրանի հարստացման մակարդակը կհիմնվի երկրի տեխնիկական պահանջների վրա։
«Իրանը նման հայտարարությամբ հանդես է եկել թերևս իր անվտանգային իրավիճակից դրդված, սակայն Դոնալդ Թրամփն էլ իր հերթին հայտարարել է, որ իր պաշտոնավարման օրոք Իրանը երբեք չի ունենա միջուկային ռումբ: Անկեղծ ասած՝ դեռ չեմ տեսնում այս հակամարտության թուլացման միտումներ՝ հաշվի առնելով երկուստեք հնչող դիրքորոշումները: Այդուհանդերձ, Իրանը մի կողմից ունի ռազմական ուժ, մյուս կողմից՝ խելամիտ դիվանագիտություն, ուստի չի դիմի կատաստրոֆիկ քայլերի: Վտանգը մեծ է, սակայն դեռ կրիտիկական չէ, հետևաբար լայնածավալ ռազմական գործողությունների հավանականություն չկա»,- նշում է իրանագետը:ծ
Արթուր Վանեցյանը ցավակցական գրառում է կատարել Իրանի դեսպանատան սգո մատյանում
Գարիկ Միսակյանը, թեև իրատեսական չի համարում Հայաստանի ակտիվ միջամտությունը որպես հաշտարար միջնորդ կողմ, սակայն այս փուլում միանգամայն ընդունելի է համարում պաշտոնական Երևանի չեզոք վերաբերմունքը: Նրա կարծիքով՝ շատ դրական քայլ է այն, որ ՀՀ–ում ԻԻՀ դեսպանատանը բացված սգո մատյանում ՀՀ կառավարության անունից գրառում է կատարել Սուրեն Պապիկյանը` կողմերին կոչ անելով նստել բանակցային սեղանի շուրջ։
ԱՄՆ–ն պատրաստ է Իրանի հետ բանակցել առանց նախապայմանների
ԱՄՆ-ի և Իրանի միջև հարաբերությունները սրվել են այն բանից հետո, երբ Բաղդադի մոտ սպանվել է իրանական «Ալ Ղոդս» հատուկ ստորաբաժանման հրամանատար Ղասեմ Սոլեյմանին։ Պենտագոնը հաստատել է իր առնչությունն իրանցի գեներալի սպանության հետ։ Հունվարի 8–ի գիշերը իրանական կողմը հրթիռակոծել է Իրաքի տարածքում գտնվող ամերիկյան ռազմաբազաները։
