04:21 29 փետրվարի 2020
Ուղիղ եթեր
  • USD478.60
  • GBP617.68
  • EUR528.57
  • RUB7.09

Մարգարյան. «Ժամկետանց վարկերի ներումից բանկային համակարգը միանշանակ կտուժի»

ՌԱԴԻՈ
Ստանալ կարճ հղումը
60 0 0

Տնտեսագետ Ատոմ Մարգարյանը Sputnik Արմենիայի եթերում անդրադարձել է ԱԺ «Լուսավոր Հայաստան» խմբակցության ներկայացրած «Հարկային օրենսգրքում փոփոխություններ և լրացումներ կատարելու մասին» օրենքի նախագծին: Խոսքը բանկերի ժամկետանց վարկերի ներման մասին է:

 

Տնտեսագետ Ատոմ Մարգարյանը կարծում է, որ ԱԺ «Լուսավոր Հայաստան» խմբակցության ներկայացրած «Հարկային օրենսգրքում փոփոխություններ և լրացումներ կատարելու մասին» օրենքի նախագիծը, ընդհանուր առմամբ, վատ նախաձեռնություն է: Ըստ նրա՝ օրենսդիրը, քաղաքական որևէ ուժը կամ ուժերը ցանկանում են լավամարդ լինել, բայց հարցն այն է, թե ու՞մ հաշվին պետք է իրականացվի այդ նախաձեռնությունը:

«Դրանից կտուժի բանկային համակարգը, իսկ այդ համակարգը միայն բանկիրներն ու սեփականատերերը չեն: Բանկային համակարգն առաջին հերթին ավանդատուներն են, այդ համակարգի ռեսուրսները հիմնականում ձևավորվում են քաղաքացիների, ֆիզիկական և իրավաբանական անձանց ավանդներից, ներդրումներից»,- ասաց տնտեսագետը: 

Նրա դիտարկմամբ՝ եթե գնում են վարկառուների շահերից բխող միակողմանի որոշումների, բնականաբար մյուս կողմը կամ կողմերը տուժում են, և պարզ է դառնում, որ նման օրինագծերի հիմնական կոնտեքստն այն է, որ դա արվի պետության հաշվին: Տնտեսագետը ենթադրում է, որ պետությունը նման պարագայում կարող է որոշակիորեն համաֆինանսավորել, սուբսիդավորել կամ փոխհատուցել այդ մասով, բայց պարտադրել, այն էլ օրինագծերով, այսպիսի որոշումներ, ճիշտ չէ: 

Բանկի գործը ռիսկի դիմելն է. հաճախորդները վարկի տակ են, բայց էլի են դիմում վարկ ստանալու

Մարգարյանը կարծում է, որ առաջարկությունները պետք է վերաբերվեն ընդհանուր դրամավարկային քաղաքականության մոտեցումների փոփոխությանը, շատ ավելի կոնցեպտուալ  հիմքերի վրա խարսխված առաջարկներին: Կարելի է հենց այս տեսանկյունից թույլատրելի կամ ընդունելի համարել նման առաջարկները, թե չէ վարկի դուրս գրումը վատ լուր է նույն վարկառուների համար, որովհետև նույն խաղը խաղալու գայթակղությունը,

ըստ տնտեսագետի, կարող է շատ ավելի մեծ լինել՝ մտածելով որ իքս պահին օրենսդիրը կամ գործադիրը, կամ էլ ինչ-որ դոնորներ կարող են, կոպիտ ասած, ջրել վարկերը և բանկերին դնել ծանր իրավիճակի մեջ:    

Կենտրոնական բանկի հաշվետվության համաձայն՝ բանկային համակարգում ժամկետանց վարկերը կազմում են մոտ 13%, որոնցից արտաբալանսում պահվում է մոտ 8%-ը։

Մարգարյան. «Ռիսկերն ի հայտ են գալիս, երբ բանկ է մտնում անօրեն ծագումնաբանությամբ գումար»

Ըստ թեմայի

Moody's–ը Հայաստանի էլեկտրական ցանցերին աննախադեպ միջազգային վարկանիշ է շնորհել
Հայաստանում ուզում են հեշտացնել տարեց մարդկանց շփումը բանկերի հետ
Ճզմաչյան. Հայաստանին տրամադրվող վարկերի տոկոսները կարող են նվազել
Բանկային գաղտնիքը չի օգնի. ԱԺ–ն փողերի լվացման դեմ նախագիծ է քննարկում
թեգերը:
վարկ, «Լուսավոր Հայաստան» կուսակցություն, հարկային օրենսգիրք, Ատոմ Մարգարյան, Հայաստան

Գլխավոր թեմաներ