16:18 02 ապրիլի 2020
Ուղիղ եթեր
  • USD504.50
  • GBP628.41
  • EUR551.62
  • RUB6.43

Խաչատրյան. «Երբ կա ընդամենը «այո»–ի և «ոչ»–ի խնդիր, մարդիկ ավելի քիչ են գնում ընտրության»

ՌԱԴԻՈ
Ստանալ կարճ հղումը
64 0 0

«Մեդիա պաշտպան» նախաձեռնության փորձագետ, քաղաքական PR–ի մասնագետ Էդգար Խաչատրյանը Sputnik Արմենիայի հետ զրույցում անդրադարձել է Սահմանադրական փոփոխություններին առնչվող հանրաքվեին։

Խաչատրյան. «Երբ կա ընդամենը «այո»–ի և «ոչ»–ի խնդիր, մարդիկ ավելի քիչ են գնում ընտրության»

«Մեդիա պաշտպան» նախաձեռնության փորձագետ, քաղաքական PR–ի մասնագետ Էդգար Խաչատրյանի համոզմամբ` հանրաքվեների և համապետական ընտրությունների նախկին թեզը ներկա գործընթացներում չի աշխատի, ինչը իշխանությունն էլ շատ լավ գիտի։ Այստեղ, ըստ նրա, աշխատելու է ուղիղ ժողովրդավարության սկզբունքը։

«Այդուհանդերձ ժողովրդի որոշելու հանգամանքն օգտագործվելու է երկկողմանի։ Այո, ժողովուրդն է կատարելու ընտրություն, որպեսզի սահմանադրական փոփոխություններ լինեն, կամ չլինեն։ Իսկ եթե սկսվի «ոչ»–ի քարոզարշավը, դրա կողմնակիցներն էլ կներկայացնեն իրենց փաստարկները։ Չեմ կարծում, որ ԿԸՀ–ն իր հերթին մեծ անելիքներ ունի և այդ կառույցին ինչ–որ բանում մեղադրել չենք կարող, որովհետև վերջին համապետական ընտրություններն էլ ցույց տվեցին, որ ընտրական գործընթացը մեզանում անցկացվում է քաղաքակիրթ պայմաններում»,– ասաց «Մեդիա պաշտպան» նախաձեռնության փորձագետը։ 

Խաչատրյանի կարծիքով`չկողմնորոշված զանգվածն ավելի շատ մարզերում է, Երևանում քարոզչական գործընթացը հիմնականում տարվում է ֆեսբուքյան հարթակում։ Մարդիկ համապետական ընտրություններին մասնակցում էին նաև այն պատճառով, որ գործընթացին որպես թեկնածու մասնակցում են իրենց ծանոթները, ընկերներն ու բարեկամները, մինչդեռ հանրաքվեի պարագայում անձի խնդիր չկա, ում համար պետք է գնան ընտրատեղամաս։ 

ՀՀ նախագահն արձագանքել է հանրաքվեի մասին մամուլում եղած հրապարակումներին

Փորձագետի դիտարկմամբ` երբ կա ընդամենը «այո»–ի և «ոչ»–ի խնդիր, մարդիկ ավելի քիչ են գնում ընտրության, հետևաբար քաղաքական PR-ի մասնագետն այս անգամ կանխատեսում է քիչ մասնակցություն։

 

Նշենք, որ սահմանադրական բարեփոխումների հանրաքվեն կանցկացվի ապրիլի 5-ին։ Հանրաքվեն, ըստ էության, ՀՀ քաղաքացիներին առաջարկում է պատասխանել այն հարցին` արժե՞ արդյոք դադարեցնել մինչև 2015 թվականի սահմանադրական բարեփոխումները, այսինքն` նախկին իշխանության օրոք նշանակված ՍԴ նախագահի և նրա անդամների լիազորությունները։ Այս փոփոխությունները չեն առնչվում ՍԴ գործող 9 դատավորներից միայն երկուսին` Վահե Գրիգորյանին և Արմեն Դիլանյանին։ Մյուս 7-ը, այդ թվում` ՍԴ նախագահ Հրայր Թովմասյանը, ՍԴ անդամ են դարձել մայր օրենքի 1995 և 2005 թվականներին խմբագրված դրույթների համաձայն։

Ըստ թեմայի

«Այս օրերին ԱԺ-ում անկազմակերպ և խուճապային իրավիճակ էր». Սամսոնյան
«Մահափորձ կատարվեց իրավունքի և օրենքի նկատմամբ». Վանեցյան
ՍԴ անդամների հարցը կորոշի ժողովուրդը. ԱԺ–ն ընդունեց հանրաքվեի մասին նախագիծը
Փաշինյանին հիմա էլ նախագահ Սարգսյանի գրիչն է պետք. որքա՞ն գումար կծախսվի հանրաքվեի վրա
թեգերը:
Դատավոր, Սահմանադրական դատարան, սահմանադրություն, Ընտրություններ, հանրաքվե, Հայաստան

Գլխավոր թեմաներ