01:06 21 փետրվարի 2020
Ուղիղ եթեր
  • USD478.37
  • GBP617.34
  • EUR516.69
  • RUB7.50

Ղալումյան. «Դիմակներ պետք է կրեն և՛ հիվանդները, և՛ առողջ մարդիկ»

ՌԱԴԻՈ
Ստանալ կարճ հղումը
55 0 0

Ընտանեկան բժիշկ, թերապևտ Նարինե Ղալումյանը Sputnik Արմենիայի եթերում անդրադարձել է համաճարակների ժամանակ դիմակների արդյունավետության հարցին։

Նարինե Ղալումյանը նշում է` թեև դիմակների տարբեր ձևեր կան, սակայն ընդհանուր առմամբ դիմակների արդյունավետությունը բարձր է։ Ըստ նրա` սովորական դիմակների պարագայում, որոնք վաճառվում են դեղատներում կամ տեսնում ենք հիվանդանոցներում, պոլիկլինիկաներում, օդի մուտքը շնչուղիներ բոլոր կողմերից կա, ուղղակի դրանք պատնեշում են ներշնչած օդը։

«Բայց կան կլինիկաներ, որտեղ կարող են լինել շատ ավելի վարակիչ իրավիճակներ, օրինակ` տուբերկուլյոզի պարագայում, հետևաբար այդտեղ կիրառվում են այլ տեսակի դիմակներ, որոնց հպման մակերեսը դեմքին ավելի մեծ է։ Դրանք հատուկ սարքված են նման դեպքերի համար»,– նշում է ընտանեկան բժիշկը։

Ղալումյանը հիշեցնում է, որ դիմակները թույլ չեն տալիս` օդակաթիլային ճանապարհով փոխանցվող վարակները շատ տարածվեն։ Հիվանդություններ էլ կան, որոնց ընթացքում ստանում են հորմոններ, ուռուցքային և արյան հիվանդությունների համար նախատեսված միջոցներ, որոնց դեպքում իմունիտետն ընկնում է։ Այդ ժամանակ շատ մեծ է երկրորդային ինֆեկցիայի վտանգը։

«Դիմակ կրելու հանգամանքը մեզ մոտ անսովոր երևույթ չէ, անհրաժեշտության դեպքում պետք է միշտ օգտագործվի։ Նույնիսկ այն ժամանակ, երբ ինձ մոտ հիվանդներ են գալիս, հորդորում եմ դիմակով քայլել, քանի դեռ կա վարակների տարածվածության վտանգ»,– նշում է թերապևտը։

Ղալումյանը կարծում է, որ վարակների ներթափանցմանը նպաստում են բաց սահմաններն ու միգրացիան։ Շատ տեղերից ունենք մուտք ու ելք։ Երբ հսկողությունն ու զգոնությունը մի փոքր պակասում է, վարակները գլուխ են բարձրացնում։

Ըստ նրա` դիմակներն այդուհանդերձ 100 տոկոսով չեն կարող պաշտպանել վարակներից, այստեղ կարևոր է նաև տվյալ անհատի իմունային համակարգի, մակրո օրգանիզմի վիճակը։

Չինացի բժիշկների դեմքերը վնասվել են դիմակներից. լուսանկարներ

Նույնիսկ սեպսիսների ժամանակ կարող են բակտերիաների, միկրոբների աճն արյան մեջ չտեսնել։ Այսինքն` կարևոր է ոչ թե հարուցիչի տեսակը, այլ մակրոօրգանիզմի վիճակը։ Մեր օրերում, ըստ Ղալումյանի, մարդիկ ապրում են ֆիզիկական և հոգեբանական լարված իրավիճակում, դրա համար էլ խոցելիությունը մեծ է։ Նման պարագայում դժվար է ասել` որ վարակը կակտիվանա և երբ կակտիվանա։ Անկախ ամեն ինչից, բժիշկը և՛ հիվանդներին, և՛ առողջներին հորդորում է դիմակ կրել ու շատ օգտագործել սպիրտով թրջած բամբակ։

Հայաստանը քեզ հետ է, Չինաստա՛ն. գոտեպնդող տեսանյութ կորոնավիրուսի դեմ պայքարողների համար

Ըստ թեմայի

Ինչ գիտեն քաղաքացիները կորոնավիրուսի մասին. տեսանյութ
Վանգան ճիշտ չէ՞ր. հայ աստղագուշակը պարզաբանել է բուլղարացու կանխատեսումը
«Չինական» վիրուսը մերձեցնում է. հայ աղջիկները`չինացիների նրբանկատության մասին
թեգերը:
դիմակ, բժիշկ, Հայաստան

Գլխավոր թեմաներ