22:29 22 փետրվարի 2020
Ուղիղ եթեր
  • USD478.35
  • GBP617.79
  • EUR517.05
  • RUB7.43

Բաղդասարյան. «Պետք չէ թույլ տալ, որ դեսպանատներում ՀՀ քաղաքացիները մասնակցեն հանրաքվեին»

ՌԱԴԻՈ
Ստանալ կարճ հղումը
74 0 0

Սահմանադրական փոփոխությունների հանրաքվեին ընդառաջ կրկին արդիական է դարձել արտերկրում բնակվող ՀՀ քաղաքացիների ընտրական իրավունքը վերականգնելու հարցը։ Քննարկումներ են ընթանում սոցցանցերում, հասարակության ներսում, ԱԺ պատգամավորների միջև։ 

Զուտ իրավական տեսանկյունից ճիշտ կլիներ, որ արտասահմանում գտնվող ՀՀ քաղաքացիներն ունենային ընտրելու իրավունք և իրենց ընտրությունը կատարեին դեսպանատներում, բայց նախորդ տարիներին դեսպանատներում նման իրավունք չեն ունեցել, որովհետև կարող էին ընտրախախտումների կասկածներ լինել, այսինքն` վերահսկման մեխանիզմները կատարյալ չէին լինի։ Sputnik Արմենիայի հետ զրույցում նման տեսակետ հայտնեց քաղաքագետ Արմեն Բաղդասարյանը։

«Հիմա նույնպես կարող են նման խոսակցություններ լինել։ Տեսեք, ընդդիմադիր որոշ կուսակցություններ արդեն հայտարարում են, որ հանրաքվեի արդյունքները կեղծվելու են։ Կարծում եմ, որ հիմա էլ պետք չէ թույլ տալ, որ դեսպանատներում ՀՀ քաղաքացիները մասնակցեն հանրաքվեին, որովհետև հանրաքվեի արդյունքների վերահսկման բավարար մեխանիզմներ այս ընթացքում չեն ստեղծվել։ Մտահոգություն կա, որ ընդդիմադիր ուժերը կարող են շահարկել այդ փաստը և սևացնել հանրաքվեն»,– ասաց քաղաքագետը։ 

Նա կարծում է, որ նույնիսկ նրանք, ովքեր ունեն հնարավորություն մեկ օրով Հայաստան գալու, մեկ մարդու պես չեն ժամանի հայրենիք, թեև վատ չէր լինի, որ լսեին վարչապետի կոչը, ինչից կշահեր թե՛ Հայաստանը, թե՛ հանրաքվեն։

ՀՀԿ–ն չի մասնակցի սահմանադրական հանրաքվեի քարոզարշավին

Չնայած այդ հանգամանքին, ըստ Բաղդասարյանի, ճիշտ կլիներ, որ ՀՀ բոլոր քաղաքացիներն իրավունք ունենային մասնակցելու հանրաքվեին։

Հիշեցնենք` ՀՀ ԱԺ-ն փետրվարի 6-ին արտահերթ նիստում ընդունեց Սահմանադրական փոփոխությունների նախագիծը հանրաքվեի դնելու որոշումը։ Նախագծով առաջարկվում է 2015 թվականի դեկտեմբերի 6-ին փոփոխված Սահմանադրության 213-րդ հոդվածը շարադրել նոր խմբագրությամբ և ներկայացնել այսպես. «Մինչև Սահմանադրության 7-րդ գլխի ուժի մեջ մտնելը նշանակված ՍԵԴ նախագահի և անդամների պաշտոնավարումը դադարում է»:

ՀՀ նախագահ Արմեն Սարգսյանը փետրվարի 9–ին ստորագրեց նախագիծը։ 

Սահմանադրական փոփոխությունների հանրաքվեն կանցկացվի ապրիլի 5-ին։

ՀՅԴ–ն հորդորում է անտեսել հանրաքվեն

Ըստ թեմայի

«Ես կառաջարկեի ընդհանրապես ՍԴ–ն վերացնել». ի՞նչ են մտածում քաղաքացիները հանրաքվեի մասին
Հեշտ չի լինի. ի՞նչ պետք է անի Փաշինյանը, որ մարդիկ մասնակցեն հանրաքվեին
Հայտնի են սահմանադրական բարեփոխումների հանրաքվեի քարոզարշավի ժամկետները. ԿԸՀ
Մուկուչյանի ֆենոմենը, կամ ինչն է դժվար լինելու նրա համար հանրաքվեի գործընթացում
Փաշինյանը վստահեցնում է, որ սահմանադրական հանրաքվեն կզարգացնի տնտեսությունն ու տուրիզմը
թեգերը:
սահմանադրություն, Սահմանադրական դատարան, Հրայր Թովմասյան, Արմեն Բաղդասարյան (քաղաքական մեկնաբան), դեսպանատուն, Հայաստան, Սահմանադրական փոփոխությունների նախագիծ, հանրաքվե

Գլխավոր թեմաներ