Սահմանադրական դատարանի դեմ սկսված գործընթացն ընթացակարգային և բովանդակային առումով հակաօրինական ու հակասահմանադրական է, ուղիղ ճանապարհ է դեպի դիկտատուրա, ուղղակիորեն հակասում է իշխանությունների տարանջատման սկզբունքին, վարչապետ Նիկոլ Փաշինյանի կողմից ուղղակի միջամտություն է դատական իշխանության աշխատանքին։ Այս կարծիքին է ՀՀԿ խոսնակ Էդուարդ Շարմազանովը։
«ՍԴ դատավորները տեղի չտվեցին, հետևաբար, նրանց դեմ կոպիտ իրավական խախտումներով իրականացվեցին գործողություններ, ինչը կործանարար հետևանքներ ունեցող գործընթաց է։ Մի կողմում Հայաստանն է ու սահմանադրականությունը, մյուս կողմում` Նիկոլ Փաշինյանի ռեժիմը»,– նշում է ՀՀԿ խոսնակը։
Էդուարդ Շարմազանովի տեղեկացմամբ` ՀՀԿ–ն ՍԴ–ի շուրջ իրականացվող հակաօրինական գործընթացների վերաբերյալ հանդես է եկել երկու հայտարարությամբ։ Ըստ նրա` փետրվարի 14-ի հայտարարությունը պայմանավորված էր այն հանգամանքով, որ մինչ այդ օրը խորհրդարանական ընդդիմությունն իրավունք ուներ հավաքել 27 ստորագրություն և դիմել ՍԴ–ին, սակայն ԱԺ ընդդիմությունը չօգտվեց իր իրավունքից, ինչն էլ պատճառ դարձավ, որպեսզի ՀՀԿ–ն հանդես գա հայտարարությամբ։
«Քաղաքական շահը թույլ չի տալիս համախմբվել մեկ տանիքի տակ». Քեռյանը` «ոչ»–ի շտաբի մասին
«Սա տրամաբանական շարունակությունն էր այն հայտարարության, որ արել էինք շուրջ 10 օր առաջ, երբ սկսվել էր ՍԴ–ի դեմ հակաօրինական գործընթացը։ Հանրաքվեն քաղաքական ֆարս է, և մենք չենք ցանկանում մաս կազմել հակաօրինական, հակասահմանադրական այդ գործընթացին` լեգիտիմացնելով կեղծ հանրաքվեն»,– նշում է ՀՀԿ խոսնակը։
Էդուարդ Շարմազանովի կարծիքով` ժողովուրդն իրենց դուրս եկավ, որ նոր կառավարությունը լուծի այդ խնդիրները, սակայն նոր իշխանությունը մարդկանց սոցիալ–տնտեսական հիմնահարցերը լուծելու փոխարեն հորինել է ներքին թշնամի` ի դեմս ՍԴ դատավորների։
Էդուարդ Շարմազանովը չգիտի, թե ինչ ընթացք կունենա «ոչ»–ի շտաբի ձևավորման գործընթացը, սակայն ընդգծում է այն հանգամանքը, որ քաղաքական դաշտի հիմնական ընդդիմադիր ուժերը` ՀՀԿ–ն, ԲՀԿ–ն և ՀՅԴ–ն չեն ձևավորելու «ոչ»–ի շտաբ և չեն մասնակցելու «կեղծ հանրաքվեին ու կեղծ քարոզարշավին»։
Փաշինյանը վստահեցնում է, որ սահմանադրական հանրաքվեն կզարգացնի տնտեսությունն ու տուրիզմը
