06:46 04 ապրիլի 2020
Ուղիղ եթեր
  • USD502.97
  • GBP618.25
  • EUR543.86
  • RUB6.56

Սարգսյան. «Մեր երկրում չկա և չի կարող լինել անկախ ոստիկանություն»

ՌԱԴԻՈ
Ստանալ կարճ հղումը
125 0 0

ՀՀ նախկին ոստիկանապետ Ալիկ Սարգսյանը Sputnik Արմենիայի եթերում իր կարծիքն է հայտնել ոստիկանության բարեփոխումների ռազմավարության և դրանից բխող 2020-2022թթ. գործողությունների ծրագրի վերաբերյալ։

Ալիկ Սարգսյան. «Մեր երկրում չկա և չի կարող լինել անկախ ոստիկանություն»

ՀՀ նախկին ոստիկանապետ Ալիկ Սարգսյանին համակարգը ծանոթ է, որովհետև իր պաշտոնավարման ժամանակ նույնպես ոստիկանությունում բարեփոխումներ անելու հարցը քննարկվել է։ 

«Մենք ուսումնասիրում էինք Վրաստանի փորձը։ Եվրոպական երկրներում դա վաղուց կար։ Գերմանիա կատարած այցի ընթացքում անմիջականորեն, գործի մեջ, տեսանք գերմանական մոդելը։ Կարծում եմ` բարեփոխումների ռազմավարության ընդունումից հետո ոստիկանությունը կլինի ավելի մոբիլ, կաշխատի ավելի ռացիոնալ, ժողովրդին դա ավելի հասանելի ու տեսանելի կլինի։ Աշխարհի շատ երկրներում կիրառվում է տվյալ մոդելը և մեզ մոտ էլ այդ առումով լավ կլինի ու իրեն կարդարացնի»,–նշեց նախկին ոստիկանապետը։

Ալիկ Սարգսյանի փոխանցմամբ` ինչ խնդիր որ դրվում է ոստիկանության առաջ, այդ ուղղությամբ էլ կառույցը տանում է իր աշխատանքները։ Նա չի կարծում, որ կառույցում դրանից ավել ինչ–որ բան են անում։ Ըստ Սարգսյանի` ոստիկանությունը թույլ կամ վատ չի աշխատում։ 

«Բոլոր ժամանակներում ոստիկանությունն առաջին հերթին ծառայել է ժողովրդին, բայց որ ասեն, թե ոստիկանությունը որևէ կապ չունի իշխանության հետ, նման բան չեմ հիշում` սկսած խորհրդային ժամանակներից մինչ օրս։ Ինչպե՞ս կարող է իշխանությունն այս կամ այն կերպ չմիջամտել ոստիկանության աշխատանքին կամ ուղղության չտալ։ Չէ՞ որ կա Ազգային ժողով, Արդարադատության նախարարություն, կառավարություն»,– ասաց նախկին ոստիկանապետը։

Պեսկունովից մինչև «միլիցիան չսիրող» Վանո. ով ինչով է մնացել ոստիկանության պատմության մեջ

Ալիկ Սարգսյանը կարևորում է ժողովրդի ու ոստիկանության շահերի ներդաշնակ համադրումը և ընդգծում, որ չկա և չի կարող լինել անկախ ոստիկանություն մեր երկրում։ Նա բնական է համարում այն որոշումը, որ ցանկանում են ոստիկանությունը դարձնել նախարարություն։ Նրա կարծիքով` հենց նախարարն էլ կկանոնակարգի և՛ ոստիկանության, և՛ մյուս ծառայությունների աշխատանքը, որոնք այժմ գործում են տարանջատված, բայց այդ դեպքում կլինի միասնական մոտեցում և միասնաբար կլուծեն այն խնդիրները, որոնք բխում են օրվա իրավիճակից։ 

«Ոստիկանությունը կարող է դառնալ նախարարություն, և դա շատ լավ է». Խաչատրյան

Ըստ թեմայի

Մեզ անհրաժեշտ է նոր ոստիկանություն՝ բառի բովանդակային իմաստով. Փաշինյան
Փաշինյանը գոհ է ԱԱԾ–ից ու ոստիկանությունից, թեև աշխատանքն անթերի չէ
Ոստիկանին հեղափոխական «դուխ» է պետք. ինչո՞ւ ոստիկանությունը չի կանխում վենդետաները
թեգերը:
Հայաստան, ՀՀ Ոստիկանություն, Ոստիկանություն, Ալիկ Սարգսյան

Գլխավոր թեմաներ