Ստեփան Դանիելյանի դիտարկմամբ` վարչապետի հայտարարության մեջ շատ տարբեր բաներ կարող ենք պատկերացնել։ Տարբերակներից մեկն այն է, որ Հայաստանի և Արցախի միջև ինչ–որ տարաձայնություններ կան, ընդ որում` հայտնի չէ, դրանք իրական են, թե ոչ, բայց այդ հանգամանքը համանախագահներին ու Ադրբեջանին ցույց է տալիս, որ կա նման խնդիր, և պետք է լինի լրացուցիչ քննարկում։
«Այսինքն` Փաշինյանը պատասխանատվությունը գցում է Արցախի ղեկավարության վրա։ Ի դեպ, նման միջոցների դիմում էին նաև նախկին իշխանությունները, երբ Հայաստանն օգտագործում էր Արցախին ու ասում, որ մեր միջև կան տարաձայնություններ, ինչն արվում էր արտաքին քաղաքականության համար։ Մյուս կողմից, գուցե կան իրական տարաձայնություններ, բայց ծանոթ չենք ներքին խոհանոցին, չգիտենք, թե ինչ է խոսվել Արցախի ղեկավարության հետ, առավելևս, որ շուտով այդ ղեկավարությունը փոխվելու է»,– ասաց քաղաքագետը։
Դանիելյանն անդրադարձել է նաև Փաշինյանի այն թեզին, ըստ որի` բանակցային գործընթացը Մյունխենյան դիսկուրսից հետո ստացել է նոր բովանդակություն։ Քաղաքագետն այդ առումով նոր բովանդակության նախադրյալներ չի տեսնում։
«Հատկապես Ալիևն ու Ադրբեջանը հանդես են գալիս հստակ դիրքորոշմամբ, որի մեջ որևէ հարցի վերաբերյալ զիջման էլեմենտ չկա։ Ադրբեջանական կողմը նման հայտարարությամբ հանդես եկավ նաև Պրահայի հանդիպման նախօրեին, երբ ի ցույց դրվեց իրենց կոշտ դիրքորոշումը, այսինքն` ինչ–որ նոր բաղադրիչ, որի շուրջ կարելի է բանակցել, գոյություն չունի»,– նշեց քաղաքագետը։
Նիկոլ Փաշինյանը մեկնել է Արցախ. անվտանգության խորհուրդների համատեղ նիստ է հրավիրվել
Այդուհանդերձ Ստեփան Դանիելյանը հնարավոր է համարում այն, որ Փաշինյանը գուցե նկատի ուներ միջազգային իրավիճակը, որովհետև հայտարարել էր, որ մենք հանդես ենք գալիս ռեգիոնալ հավասարակշռություն պահողի դերում, քանզի իրավիճակի վատթարացման դեպքում կմիջամտեն Ռուսաստանը, ԱՄՆ–ն, Թուրքիան, Իրանը։ Ըստ քաղաքագետի` գուցե այստեղ կարող է որոշակի համաձայնություն լինել Ալիևի հետ, որովհետև Բաքվում հասկանում են, որ Արցախի հարցի շուրջ ապակայունացումը կարող է շատ մեծ հետևանքներ ունենալ, և պարզ չէ, թե ով որքանով կտուժի։
«Պետք է ասվեր, բայց չասվեց». Շարմազանովը` Փաշինյան–Ալիև բանավեճի մասին
Նշենք, որ ՀՀ վարչապետ Նիկոլ Փաշինյանը Ստեփանակերտում տեղի ունեցած Հայաստանի և Արցախի Անվտանգության խորհուրդների համատեղ նիստում հայտարարել էր, որ Արցախի և Հայաստանի իշխանությունների պատկերացումներն Արցախի հարցի կարգավորման վերաբերյալ նույնական են: Սա ամենևին չի նշանակում, թե Արցախի հարցի կարգավորման ամբողջ համատեքստում բոլոր դետալների հետ կապված կան միևնույն պատկերացումները, սա նշանակում է, որ ռազմավարության, վեկտորի ուղղությամբ մենք իսկապես ունենք նույնական պատկերացում և այդ նույնական պատկերացումներն ունեն մի քանի անհրաժեշտ հենասյուներ:
