07:08 04 ապրիլի 2020
Ուղիղ եթեր
  • USD502.97
  • GBP618.25
  • EUR543.86
  • RUB6.56

«Ակտիվ քարոզարշավի փուլը դեռ չենք սկսել». Հայրապետյան

ՌԱԴԻՈ
Ստանալ կարճ հղումը
69 0 0

ԱԺ պատգամավոր Տաթև Հայրապետյանը Sputnik Արմենիայի եթերում խոսել է «Այո»-ի շտաբի իրականացվող քարոզարշավի և հետագա անելիքների մասին։

Հայրապետյան. «Դեռ չենք սկսել ակտիվ քարոզարշավի փուլը»

ԱԺ պատգամավոր Տաթև Հայրապետյանը հավաստիացնում է հանրաքվեի անցկացման քարոզարշավի ակտիվ փուլը կսկսեն մեկ շաբաթից, իսկ այժմ ավելի շատ ուշադրությունն են դարձնում հեռարձակումներին, իրենց ելույթներին, որոնց միջոցով ցանկանում են հանրությանը հասցնել «Այո»-ի քարոզչության հիմնական ուղերձները։ «Այո»-ի քարոզչական խմբի ներկայացուցիչը խոստանում է ակտիվ քարոզչություն են իրականացնելու, այցելելու են ոչ միայն Երևանի տարբեր համայնքներ, այլև մարզեր։

«Դատելով առաջին արձագանքներից` կարելի է ասել, որ մարդիկ հստակ հասկանում են, թե ինչին է վերաբերում «Այո»–ն, որովհետև սա ոչ թե «Այո» է իշխանությանը, այլ իշխանության կողմից ՍԴ –ճգնաժամի լուծմանն ուղղված առաջարկ է»,– ասաց նա։ 

«Այո»-ի հիմնական ուղերձն, ըստ Հայրապետյանի, այն է, որ դատական համակարգն ու ՍԴ–ն կարիք ունեն խորքային բարեփոխումների, որովհետև գործադիր և օրենսդիր մարմինները լեգիտիմ են, վայելում են քաղաքացիների վստահությունը, և այժմ դատական իշխանությունը փոխելու ժամանակն է, ինչն էլ քաղաքացին անելու է իր քվեով։

«Ունենալով իսկապես անկախ ՍԴ, մենք ապագայում կբացառենք ընտրությունների որևէ կեղծում։ ՍԴ–ն այլևս չի վավերացնի որևէ իշխանության կեղծած ընտրություն։ Ի վերջո, սրանով մենք շատ կարևոր քայլ ենք կատարում ժողովրդավարության ամրապնդման ուղղությամբ»,– նշեց պատգամավորը։ 

«Ամեն ինչ արվում է, որ ունենանք իդեալականին մոտ ընտրացուցակներ». Մնացական Բիչախչյան

Նրա դիտարկմամբ` «Ոչ»–ի կողմում հանդես եկող իրավաբանները, որոնք փորձում են գործընթացը ներկայացնել որպես հակասահմանադրական, դրա հետ կապված որևէ փաստարկ չեն կարողանում բերել։ Ըստ պատգամավորի` լավ է, որ նրանք դիրքավորվել են այդ ճամբարում և ցանկանում են իրենց խոսքը հասցնել հանրությանը, սակայն երկու ճամբարների ուղերձների, հետապնդած նպատակների ու առաջարկների միջև Հայրապետյանը հսկայական տարբերություններ է տեսնում, և հենց այդ հակասությունների միջոցով, ըստ նրա, ՀՀ քաղաքացին կտեսնի, թե ինչ նպատակով են «Այո»–ի կողմնակիցները արել հանրաքվեի առաջարկը։

Հիշեցնենք` Հայաստանում այս տարվա ապրիլի 5-ին սահմանադրական բարեփոխումների հանրաքվե կանցկացվի։ Հանրաքվեն, ըստ էության, ՀՀ քաղաքացիներին առաջարկում է պատասխանել մեկ հարցի` արժե՞ արդյոք դադարեցնել մինչև 2015 թվականի սահմանադրական բարեփոխումները, այսինքն` նախկին իշխանության օրոք նշանակված ՍԴ նախագահի և նրա անդամների լիազորությունները։

Այս փոփոխությունները չեն առնչվում ՍԴ գործող 9 դատավորներից միայն երկուսին` Վահե Գրիգորյանին և Արմեն Դիլանյանին։ Մյուս 7-ը, այդ թվում՝ ՍԴ նախագահ Հրայր Թովմասյանը, ՍԴ անդամ են դարձել մայր օրենքի 1995 և 2005 թվականներին խմբագրված դրույթների համաձայն։

Ի՞նչ կարելի էր անել հանրաքվեին հատկացված 7 մլն դոլարով

Փոփոխություններին դեմ է «Ոչ» նախաձեռնությունը, որին ԿԸՀ–ն գրանցել է փետրվարի 18-ին։ «Ոչ»-ի շտաբը ձևավորվել է իրավաբանների խմբից։ Քաղաքական ուժերը հանրաքվեին չեն մասնակցի։

Հանրաքվեի նախապատրաստման և անցկացման համար ՀՀ կառավարության պահուստային ֆոնդից ԿԸՀ–ին ու ոստիկանությանը կհատկացնի 3 մլրդ 447 մլն դրամ։

Ըստ թեմայի

Քոչարյան. ««Ոչ»–ի շտաբը ՀՀ երկրորդ նախագահ Ռոբերտ Քոչարյանի հետ որևէ կապ չունի»
Քարոզարշավ կա, քարոզչություն չկա. «Այո»–ն փող չունի, «Ոչ»–ը` քարոզիչ
Հանրաքվեի անցկացման համար ստեղծվել է աշխատանքային խումբ. ՄԻՊ
Փաշինյանը մարտահրավե՞ր է նետում Վենետիկի հանձնաժողովին. փորձագետները բացում են փակագծերը
թեգերը:
հանրաքվե, քարոզարշավ, Պատգամավոր, ԱԺ, Տաթևիկ Հայրապետյան, Հայաստան

Գլխավոր թեմաներ