03:43 14 հուլիսի 2020
Ուղիղ եթեր
  • USD486.54
  • GBP613.24
  • EUR550.71
  • RUB6.86
ՌԱԴԻՈ
Ստանալ կարճ հղումը
81 0 0

Քաղտեխնոլոգ Արմեն Բադալյանը Sputnik Արմենիայի եթերում անդրադարձել է հանրաքվեի քարոզարշավին, դրամահավաքի գործընթացին ու երկու շտաբների ռազմավարության առանձնահատկություններին։

Արմեն Բադալյան. «Եթե գործող իշխանությունը ցանկանա ձերբակալել Սերժ Սարգսյանին` կանի դա»

Արմեն Բադալյանի կարծիքով` ՍԴ դատավորների ճակատագիրը մինչև ժողովրդի դատին հանձնելը, պետք է պատգամավորները դիմեին ՍԴ, որպեսզի պարզեին` իրավունք ունեին արդյոք հարցը դնել հանրաքվեի, թե ոչ։

«Բազմաթիվ իրավաբաններ նշում են, որ տվյալ հանրաքվեն խախտում է շատ օրենքներ ու Սահմանադրության կետեր։ Այս հարցում «Այո»–ի և «Ոչ»–ի կարծիքները տարբեր են, սակայն եթե կա որոշակի կասկած, ուրեմն դա իր ազդեցությունը անպայման կունենա»,– ասաց նա։ 

Բադալյանի դիտարկմամբ` հանրաքվեով հարց լուծելու տարբերակը ոչ թե պատասխանատվությունը ժողովրդի վրա գցելն է, այլ պարզապես կա գիտակցում, որ ապագայում կարող են լինել արտահերթ ընտրություններ, որից հետո կձևավորվի նոր կառավարություն, կլինեն նոր դատախազ և ՀՔԾ ղեկավար, իսկ Աժ–ում կարող են սահմանադրական փոփոխություններ նախաձեռնած անձանց մեղադրել ու դատել։ Դրա համար էլ, ըստ քաղտեխնոլոգի, պատասխանատվությունը հանձնեցին ժողովրդին։

Գերածախս չի լինի. Պապիկյանն ասաց` ինչքան գումար է հավաքվել «Այո»–ի դրամահավաք-երեկոյին

«Դրամահավաքի գործընթացը նորմալ երևույթ է, սակայն մեծ գումար հավաքելն ու աջակցություն ունենալը տարբեր բաներ են։ Կարող է քաղաքական ուժն աջակցություն չունենալ, բայց կամավոր կամ պարտադիր հիմունքներով հնարավոր է բավականին շատ գումար հավաքվի։ Դա կախված է նրանից, թե իշխանությունն ինչպես կօգտագործի վարչական ռեսուրսը»,– նշեց քաղտեխնոլոգը։ 

Նույնն է, որ «Մերսեդես» վարես «Մոսկվիչի» անվադողերով․ Փաշինյանը` ՍԴ ճգնաժամի մասին

Բադալյանը համոզված է, որ վարչապետի համար ճակատագրական հարցերում իշխող ուժն անում է այն, ինչը ստիպում են, ինչը նպատակահարմար է Փաշինյանին։ Առանձին խմբավորումներ, իհարկե, կան, կլինեն նաև տարաձայնություններ մանր–մունր հարցերում, ինչը բնական է, սակայն կենսական հարցերում իշխող ուժը մեկ մարդու պես միակամ է։ Այդ առումով իշխող ուժն, ըստ քաղտեխնոլոգի, գտնվում է վարչապետի տոտալ վերահսկողության ներքո, ու եթե չենթարկվեն, Փաշինյանը նույն ռեպրեսիվ մեխանիզմները կկիրառի նրանց դեմ։

Ըստ թեմայի

«Ամեն ինչ արվում է, որ ունենանք իդեալականին մոտ ընտրացուցակներ». Մնացական Բիչախչյան
«Հանրաքվեն մեր քաղաքական ուժի քմահաճույքի համար չենք կազմակերպել». Փամբուխչյան
Ի՞նչ կարելի էր անել հանրաքվեին հատկացված 7 մլն դոլարով
«Ակտիվ քարոզարշավի փուլը դեռ չենք սկսել». Հայրապետյան
թեգերը:
հանրաքվե, Ընտրություններ, Սահմանադրական դատարան, Արմեն Բադալյան, Հայաստան

Գլխավոր թեմաներ