13:25 05 հունիսի 2020
Ուղիղ եթեր
  • USD482.11
  • GBP603.94
  • EUR539.87
  • RUB6.97

«Իրավիճակը հսկվում է». ՊՆ խոսնակը` բանակում իրականացվող կանխարգելիչ միջոցառումների մասին

ՌԱԴԻՈ
Ստանալ կարճ հղումը
32110

ՊՆ մամուլի խոսնակ Շուշան Ստեփանյանը Sputnik Արմենիայի եթերում պատմել է, թե կորոնավիրուսը կանխելու համար ինչ միջոցառումներ են իրականացվում Զինված ուժերում։

Իրավիճակը հսկվում է. ՊՆ խոսնակը բանակում իրականացվող կանխարգելիչ միջոցառումների մասին

Շուշան Ստեփանյանը վստահեցնում է, որ իրավիճակը շարունակաբար գտնվում է պաշտպանության նախարարի ու Գլխավոր շտաբի ուշադրության կենտրոնում։ Կազմակերպվել են մի շարք կանխարգելիչ միջոցառումներ, հետաձգվել են ժամկետային զինծառայողների բոլոր արձակուրդները, սահմանափակվել են տեսակցությունները ծնողների հետ։

«Զորանոցներում և զորամասերում իրականացվում են ախտահանիչ մշտական աշխատանքներ, այդ հաստատություններն ապահովված են ախտահանիչ նյութերով, որպեսզի զինվորները կարողանան պահպանել հիգիենայի կանոնները։ Ամեն օր առավոտյան իրականացվում են ջերմաչափումներ։ Զորամասերում հիշեցման կարգով ժամանակ առ ժամանակ բարձրախոսներով հայտարարվում է, որ զինվորներն օգտվեն ախտահանիչ նյութերից, ու եթե ինչ–որ մեկն իրեն վատ է զգում, պետք է անմիջապես դիմի բուժկետ»,– նշում է ՊՆ խոսնակը։

Ստեփանյանի խոսքով`նախարարության համալիր մուտք գործելիս պետք է անպայման կրել պաշտպանիչ դիմակ, բացի դրանից մարդիկ նաև ջերմաչափվում են։

Անդրադառնալով պայմանագրային զինծառայողներին` նա նշեց, որ դիրքերում նույնպես իրավիճակը գտնվում է բժիշկների վերահսկողության տակ։

Փաշինյանի և նրա տիկնոջ մոտ կորոնավիրուս չի հայտնաբերվել, բայց վարակվածների թիվն ավելացել է

Երբ պայմանագրային զինծառայողները հանձնում են մարտական հերթափոխը և կրկին վերադառնում 14 օր անց, ապա նորից անցնում են բուժզննում և միայն դրանից հետո ստանձնում մարտական հերթափոխը։

Սպաները միշտ լինում են աշխատավայրում, այնպես որ մասսայական ներս ու դուրս անելու խնդիր չկա։ Բայցևայնպես զորամաս մտնելիս նրանք հերթապահի մոտ նույնպես կանոնավոր կերպով ջերմաչափվում են»,– ասաց Ստեփանյանը։

Մի շարք փոփոխություններ են կատարվել նախապես մշակված ծրագրերում։ Ըստ այդմ`պլանային, ոչ հրատապ դահլիճային միջոցառումները չեղարկվել են։ Մարտական խնդիրներին չառնչվող բոլոր միջոցառումները, որոնք ենթադրում են կուտակումներ փակ տարածություններում, նույնպես չեղարկվել են։

Ստուգայցեր զորամասերում. առիթը կորոնավիրուսն է

Ըստ թեմայի

Կորոնավիրուսի կանխարգելման նպատակով ՀՀ ԿԲ-ն հորդորում է օգտվել անկանխիկ վճարամիջոցներից
Շիրակում խուճապ ու կորոնավիրուսի դեպքեր չկան. Պետրոսյանը` մարզում տիրող իրավիճակի մասին
Կորոնավիրուսով վարակվածների, մահացածների և բուժվածների թիվն աշխարհում. նոր տվյալներ
թեգերը:
Շուշան Ստեփանյան, ՀՀ Պաշտպանության նախարարություն (ՊՆ), Բանակ, կորոնավիրուս, Հայաստան

Գլխավոր թեմաներ