13:44 05 հունիսի 2020
Ուղիղ եթեր
  • USD482.11
  • GBP603.94
  • EUR539.87
  • RUB6.97

Ինչու Է Ռուբեն Բաբայանը չհամբուրվելու մասին հրաման ստորագրել

ՌԱԴԻՈ
Ստանալ կարճ հղումը
162 0 0

Թումանյանի անվան տիկնիկային թատրոնի տնօրեն և գեղարվեստական ղեկավար Ռուբեն Բաբայանը Sputnik Արմենիայի եթերում հանգամանորեն անդրադարձել է իր հրամանի դրդապատճառներին։

Բաբայան. «Յուրահատուկ հրամանը ոչ թե տնօրենի քմահաճույքն է, այլ հոգատարության նշան է»

Ռուբեն Բաբայանը կարծում է, որ յուրաքանչյուրիս պարտքն է ինչ–որ կերպ նպաստել համաճարակի դեմ պայքարին, իսկ ինչ վերաբերում է համբուրվելն արգելող հրամանին, ապա այն բուռն հավանության է արժանացել սոցցանցում։ 

Բաբայանը երեկ Facebook–ում հրապարակել էր մի հրաման, ըստ որի` 2020 թ.–ի մարտի 13-ից արգելվում է թատրոնում միմյանց բարևելուց համբուրվելը` պայմանավորված կորոնավիրուսով վարակվելու վտանգով։

«Ես դա անում եմ իմ սահմաններում և հնարավորությունների շրջանակում։ Մեր թատրոնում 10 օրով չեղարկվել են բոլոր ներկայացումներն ու փորձերը։ Սահմանափակվել է աշխատողների մուտքը, յուրաքանչյուր երկու ժամը մեկ դեզինֆեկցիայի են ենթարկվում սանհանգույցներն ու բռնակները։ Ովքեր ունեն համեմատաբար ազատ ժամանակացույց, նրանց հորդորել ենք մնալ տանը։ Առհասարակ խուճապը գալիս է տգիտությունից։ Մարդիկ որքան տեղեկացված են, այնքան ավելի քիչ են ենթարկվում խուճապի»,– նշեց տիկնիկային թատրոնի տնօրենը։

Բաբայանը չի կարծում, որ կգտնվեն այնպիսիք, որոնք կշրջանցեն իր հայտնի հրամանը, որովհետև մարդիկ այդքան անգիտակից չեն։

Իրականում հիշյալ հրամանի անհրաժեշտությունն, ըստ Բաբայանի, պայմանավորված էր այն հանգամանքով, որ մարդիկ ունեին դրա պահանջը, հետևաբար հրամանը դեմ չէ նրանց ցանկություններին։ Յուրահատուկ հրամանը ոչ թե տնօրենի քմահաճույքն է, այլ հոգատարության նշան։ Ավելին` մարդիկ դրան վերաբերում են չափազանց հանգիստ, և Բաբայանն այդ առթիվ դժգոհություններ չի լսել։

Տիկնիկային թատրոնի տնօրենի տեղեկացմամբ` մյուս թատրոնները նույնպես չեն սպասում կառավարության որոշմանը կամ նախարարության հրամանին, չեղարկում են ներկայացումներն ու փորձերը, ինչը լավ է ու տեղին է։

Նշենք, որ Հայաստանում այս պահին կորոնավիրուսով վարակվելու 20 հաստատված դեպք կա։

 

Ըստ թեմայի

Նիկոլ Փաշինյանը ճիշտ բարևելու օրինակ է ցույց տալիս. լուսանկար
Երևանի քաղաքապետարանն ախտահանում է քաղաքային տրանսպորտը. տեսանյութ
«Կորոնավիրուսից փախչելն անհեթեթություն է». Տաթևիկ Ռևազյանն ասել է` ինչու է մեկնել Դանիա
թեգերը:
Թատրոն, Ռուբեն Բաբայան, կորոնավիրուս, Հայաստան

Գլխավոր թեմաներ