16:24 02 ապրիլի 2020
Ուղիղ եթեր
  • USD504.50
  • GBP628.41
  • EUR551.62
  • RUB6.43

Բեռնափոխադրողներին Լարսում ավելի շատ խանգարել են բնակլիմայական պայմանները, ոչ թե վարակը

ՌԱԴԻՈ
Ստանալ կարճ հղումը
Կորոնավիրուսը Հայաստանում (235)
97 0 0

Մեր մեքենաների որոշ խմբի թույլատրել են հատել Լարսի անցակետը։ Հայաստանի միջազգային փոխադրողների ասոցիացիայի նախագահ Հերբերտ Համբարձումյանը Sputnik Արմենիայի եթերում անդրադարձել է արտակարգ դրության պայմաններում իրականացվող բեռնափոխադրումներին։ 

Համբարձումյան. «Մեր բեռնափոխադրողներին ավելի շատ խանգարել են բնակլիմայական պայմանները»

Վրաստանում ՀՀ դեսպանատնից տեղեկացրել են, որ աշխարհում կորոնավիրուսի տարածմամբ պայմանավորված՝ հարևան երկրի ֆինանսների նախարարության եկամուտների ծառայությունը տարածքում բեռնատարների համար նոր կարգավորումներ է սահմանել։ Տեղեկատվության համաձայն` ռիսկային գոտուց դուրս երկրների վարորդները նույնպես ենթարկվելու են խիստ ստուգման. ստուգվելու է նրանց ջերմությունը, այլ ախտանշանների առկայությունը ու եթե պարզվի, որ օտարերկրացի վարորդը հիվանդության ախտանշաններ ունի, ապա նրան կվերադարձնեն ժամանման երկիր։

Գնացքների վագոններն ախտահանվում են, ՀԿԵ–ն պայքարում է կորոնավիրուսի դեմ. լուսանկարներ

Հերբերտ Համբարձումյանի փոխանցմամբ` կորոնավիրուսի հետ կապված կանխարգելիչ միջոցառումները համընկան այն իրողության հետ, որ այդ ընթացքում, այսինքն` վերջին օրերին, Վերին Լարսում տեղաց առատ ձյուն և ճանապարհը փակվեց։ Բեռնափոխադրող մեքենաները ստիպված մեկ շաբաթ մնացին կանգնած։ 

«Բայց ավտոճանապարհը ձնամաքրման ինտենսիվ աշխատանքներից հետո արդեն բաց է, տեղումները դադարել են, և մեր մեքենաների որոշ խմբաքանակի երեկ երեկոյան թույլատրել են հատել Լարսի անցակետը։ Չեմ կարծում, որ կառաջանան խնդիրներ, որովհետև վարորդներին թույլատրում են իրականացնել հեռահար բեռնափոխադրումներ։ Ճիշտ է, նրանց ստուգում են, ջերմաչափում են, բայց կարելի է ասել, որ մեր բեռնափոխադրողներին ավելի շատ խանգարել են բնակլիմայական պայմանները»,–նշում է Հայաստանի միջազգային փոխադրողների ասոցիացիայի նախագահը։ 

Հերբերտ Համբարձումյանի տեղեկացմամբ` թեև Վրաստանում նույնպես հայտարարվել է արտակարգ դրություն, սակայն այդ հանգամանքը չի խանգարում հայաստանյան բեռնափոխադրող վարորդներին իրականացնել իրենց աշխատանքը, քանի որ միջազգային փոխադրումների համար արգելքներ սահմանված չեն։ 

Անդրադառնալով արտակարգ դրության պայմաններում բեռնափոխադրումների ծավալների խնդրին` Հերբերտ Համբարձումյանը նշեց, որ անհրաժեշտ է որոշակի ժամանակ, որպեսզի հետո ստույգ վերլուծություններ արվեն։ 

Կորոնավիրուսն ընդդեմ երևանյան տրանսպորտի. վարակը նաև վարորդի գրպանին է հարվածել

թեմա:
Կորոնավիրուսը Հայաստանում (235)

Ըստ թեմայի

«Վերին Լարսի» անցակետում մոտ 140 ՀՀ քաղաքացի է մնացել. ԱԳՆ
Վերին Լարսում մնացած ՀՀ քաղաքացիներին թույլ կտան հասնել Հայաստան
Լաստանավով կգան, երկաթուղով կգան... Իսկ Հայաստան ե՞րբ կհասնեն բեռները
թեգերը:
Ռուսաստան, Վրաստանի Հանրապետություն, Հայաստան, կորոնավիրուս, բեռնատար, Վերին Լարս, Լարս

Գլխավոր թեմաներ