14:43 05 ապրիլի 2020
Ուղիղ եթեր
  • USD502.97
  • GBP618.25
  • EUR543.86
  • RUB6.56

Մխիթարյան. «Հեռավար ուսուցման հարցում որոշակի դրական տեղաշարժ կա»

ՌԱԴԻՈ
Ստանալ կարճ հղումը
23710

Արդեն մի քանի օր է, ինչ Հայաստանում փորձ է արվում զարկ տալ հեռավար ուսուցման գործընթացին։ Կրթության հարցերով փորձագետ Ատոմ Մխիթարյանը Sputnik Արմենիայի եթերում իր տեսակետն է հայտնել ուսուցման այդ մեթոդի կիրառման առնչությամբ։ 

 

Մխիթարյան. «Հեռավար ուսուցման հարցում նկատելի է որոշակի դրական տեղաշարժ»

Կրթության հարցերով փորձագետ Ատոմ Մխիթարյանի կարծիքով` հեռավար ուսուցման ուղղությամբ որոշակի ջանքեր նկատելի են և՛ պետական մարմինների, և՛ ուսումնական հաստատությունների կողմից, որովհետև կազմակերպվում են առցանց դասընթացներ հատկապես դասընթացներ վարողների համար։ Ուսանողներն ու աշակերտներն, ըստ Մխիթարյանի, նույնպես ջանքեր են գործադրում, որպեսզի ավելի լավ արդյունքի հասնեն։ 

«Հեռավար ուսուցման հարցում նկատելի է որոշակի դրական տեղաշարժ, բայց ասել, որ բոլոր խնդիրները միանգամից լուծվեցին, սխալ կլինի։ Այս կարճ ժամանակահատվածը հնարավորություն չի տա, որպեսզի ամբողջ գործընթացը դրվի պատշաճ մակարդակի վրա։ Սա իմ դիտարկումն է մեկ շաբաթվա կտրվածքով»,– Sputnik Արմենիայի հետ զրույցում ասաց նա։

Մխիթարյանի դիտարկմամբ` տեխնիկական բնույթի խնդիրներ առկա են հատկապես հեռավոր մարզերում և սոցիալապես անապահով խավի մոտ, որոնք չունեն համապատասխան ու համարժեք տեխնիկական միջոցներ` լավ համակարգիչ կամ որակյալ ու արագ ինտերնետային կապ։ Փորձագետը սոցիալական ցանցերում նունիսկ տեսնում է այնպիսի նախաձեռնություններ, որ որոշ գյուղեր փնտրում են հին համակարգիչներ, ու նրանք, ովքեր ունեն այդպիսի տեխնիկա, ցանկանում են նվիրել հեռավոր գյուղերի բնակիչներին։ 

«Իսկ հմտությունների առումով տարբերություն չկա, դու ապրում ես մարզում, թե մայրաքաղաքում, պարզապես բոլորի համար կա հմտությունները զարգացնող ուսուցողական ծրագրերի կարիք, և այդ բացը պետք է առաջիկայում անպայման լրացվի»,– նշեց փորձագետը։ 

Նախագահից մինչև փորձագետներ․ երբ հայտնիները նաև դասախոս են

Մխիթարյանի համոզմամբ` կրթության համար թիվ մեկ պատասխանատուն պետք է անընդհատ խոսի ծնողների հետ ու իրազեկ լինի այն խնդիրների մասին, որոնք հուզում են և՛ ծնողներին, և՛ սովորողներին։ Արայիկ Հարությունյանի, պատրաստակամությունն, ըստ փորձագետի, արժանի է դրվատանքի։ Ուղղակի անհրաժեշտ է բոլոր շահառուների հետ սկսել երկխոսություն, որպեսզի նրանց կարծիքն անպայման հաշվի առնվի յուրաքանչյուր քայլ անելիս, որովհետև արտակարգ դրության ժամանակ արժե, որ յուրաքանչյուրը մասնակից լինի որոշումների կայացման գործընթացին, այդ թվում նաև հեռավար ուսուցման ուղղությամբ տարվող աշխատանքներին։ 

 

Ըստ թեմայի

«Սա արձակուրդ չէ, երեխաները չպետք է դրսում խմբերով խաղան». Արայիկ Հարությունյան
Դասերը կրկին կհետաձգվե՞ն. ՀՀ կառավարությունում քննարկվեց այս հարցը
Ասպիրանտների ու դոկտորանտների կրթաթոշակը կրկնակիից էլ շատ կբարձրանա. սա առաջին քայլն է
Կորոնավիրուսով վարակված աշակերտի 4 դասընկերների ծնողները հրաժարվել են կարանտինից
թեգերը:
Արայիկ Հարությունյան, Առցանց ուսուցում, Ատոմ Մխիթարյան

Գլխավոր թեմաներ